აშშ-ის პრეზიდენტმა, ჯო ბაიდენმა რუსეთის პრეზიდენტთან, ვლადიმირ პუტინთან საუბრის დეტალები ჟურნალისტებთან გაიხსენა.
“მე ძალიან პირდაპირი ვიყავი. ზრდილობიანად, მაგრამ ძალიან ნათლად ვთქვი, რომ თუ რუსეთი უკრაინაში შეიჭრება, ამას მძიმე შედეგები მოჰყვება: ისეთი ეკონომიკური შედეგები, რაც არავის უნახავს და არასდროს გატარებულა. მისი მყისიერი პასუხი იყო, რომ მან ეს გაიგო.
გარდა ამისა, მე ვთქვი, რომ შესაძლოა დაგვჭირდეს ჩვენი წარმომადგენლობის გაზრდა ნატოს ქვეყნებში, რათა აღმოსავლეთის მოკავშირეებს ერთგულება დავუდასტუროთ”. – თქვა ჯო ბაიდენმა.
მისივე განცხადებით, პუტინთან ლაპარაკისას აღნიშნა, რომ აშშ უკრაინას თავდაცვის საშუალებებს მიაწვდის, თუმცა, დასძინა, რომ რაც შეეხება სამხედროებს, ამერიკელი სამხედროების გაგზავნა უკრაინაში არ იგეგმება.
“ჩვენ გვაქვს მორალური და სამართლებრივი ვალდებულება ნატო-ს მოკავშირეების მიმართ. მეხუთე მუხლის ვალდებულება უკრაინაზე არ ვრცელდება, მაგრამ ეს დამოკიდებული იქნება, რისი გაკეთების ნება ექნებათ ნატო-ს სხვა წევრებს.
ის რომ აშშ ცალმხრივად გამოიყენებს ძალას, რათა დაუპირისპირდეს რუსეთს, რომელიც უკრაინაში შეიჭრა, ამ ეტაპზე არ განიხილება. მაგრამ რაც მოხდება, რუსეთისთვის მძიმე შედეგებს მოიტანს. დარწმუნებული ვარ, პუტინმა ჩემი გზავნილი გაიგო“. – განაცხადა ჯო ბაიდენმა.
მან პუტინთან კიდევ ერთი საუბარი დააანონსა კვირის ბოლოს.
კომენტარები