გერმანიაში კორონავირუსის შედეგად დაღუპული პაციენტების რაოდენობამ, თებერვლის შემდეგ, 500-ს პირველად გადააჭარბა და 527 შეადგინა. ინფორმაციას რობერტ კოხის ვირუსოლოგიის ინსტიტუტი ავრცელებს.
გერმანიაში პანდემიის მთელი პერიოდის განმავლობაში კორონავირუსით გარდაცვლილთა საერთო რაოდენობამ 104 047-ს მიაღწია. ბოლო 24 საათის განმავლობაში ქვეყანაში კორონავირუსის დადასტურებული ახალი შემთხვევების რაოდენობა 69 601-ით გაიზარდა. ეპიდემიის დაწყებიდან დღემდე, COVID-19-ის 6 291 621 შემთხვევა გამოვლინდა, 5 225 700 ადამიანი გამოჯანმრთელდა.
ცნობისთვის, 2 დეკემბერს კანცლერის მოვალეობის შემსრულებელმა, ანგელა მერკელმა განაცხადა, რომ ქვეყნის ხელისუფლება მთელი ქვეყნის მასშტაბით შეზღუდვების გამკაცრებაზე შეთანხმდა. კულტურულ ღონისძიებებსა და საცალო მაღაზიებზე, გარდა სასურსათო მაღაზიებისა, წვდომას მხოლოდ აცრილი და კოვიდაგატანილი პირები შეძლებენ.
კომენტარები