“ქართული ოცნების” ხანგრძლივი მმართველობა მხოლოდ სუსტ, არასერიოზულ, არაკვალიფიციურ, სიდამპლით ამოვსებულ ოპოზიციას ეფუძნება – ამის შესახებ პოლიტოლოგი ლევან ლორთქიფანიძე სოციალურ ქსელში წერს.
„ჩვენს სვებედნიერ და მთავარ ოპოზიციურ პარტიას დედაქალაქის საკრებულოს წევრად გაუყვანია ბ-ნი გიორგი ონიანი… დღეს შევამჩნიე.ეს ის არსებაა, ოპონენტებს პარტიული მაისურების ბეჭდვის გამო რომ დასდევდა, იჭერდა, მარიხუანას უდებდა, აშინებდა, აშანტაჟებდა, ამცირებდა; ყოფილი პოლიციელი არ ერიდებოდა სამსახურეობრივი უფლებამოსილების გამოყენებას პირადი ვნებებისა დაკმაყოფილებისთვის, დახელოვნებული იყო მტკიცებულებების გაყალბებაში. იგი ეროვნულ პოლიციას მმართველი პარტიის შეიარაღებულ რაზმად განიხილავდა. შემჩნეულია მცირერიცხოვანი და მშვიდობიანი აქციების დარბევის ორგანიზებაში.ტლუ ბოროტმოქმედი, მას ზუსტად შეეფერება ჩვენში უკვე საკმარისად გაცვეთილი ტერმინი “ზონდერი”.ნაციონალური მოძრაობის შერიგების, სინანულის და განახლების სიმბოლო არის ბ-ნი ონიანი… პარტიული სიების შედგენის დროს მედიისთვის თვალსაჩინო ადგილებზე ბუბა კიკაბიძეებსა და სოც.მედიის ვარსკვლავებს წერენ, მათ უკან კი ასეთი არამზადები იმალებიან, წინა პლანზე ერთ ოთახში ხელმომჭირნედ მცხოვრები “გენიოსი” და “ობიექტური” შვილები გამოყავთ, უკან კი ბიუჯეტის ძარცვის ხარჯზე გამდიდრებული კეზერაშვილები და სხვა ოლიგარქები დგანან…მერე რატომ გიკვირთ, რომ “გოგა ონიანების” ფონზე ვიღაცეებს კახა კალაძე ნაპოლეონად ეჩვენებათ.ანტისოციალური, მხოლოდ ძალაუფლების შენარჩუნებაზე ორიენტირებული, უიდეო და უმიზნო ხელისუფლების, “ქართული ოცნების” ხანგრძლივი მმართველობა მხოლოდ სუსტ, არასერიოზულ, არაკვალიფიციურ, სიდამპლით ამოვსებულ ოპოზიციას ეფუძნება“ – წერს ლევან ლორთქიფანიძე.
კომენტარები