მზად ვარ ყოველგვარი ანაზღაურების გარეშე სრული სამუშაო დრო დავუთმო ეკონომიკის სამინისტროს კონსულტაციებისთვის – ამის შესახებ ეკონომიკის დოქტორი, პროფესორი ოთარ აბესაძე სოციალურ ქსელში წერს.
„ქართული ოცნების მხარდამჭერი ბევრი მწერს, რომ მხოლოდ ჩასაფრებულის პოზიდან ვსაუბრობ ეკონომიკაზე და ეს არის ჩემი ხელისუფლებისადმი “წყენის” გამოძახილი. ერთ რამეს გეტყვით. მე ვარ ეკონომიკის დოქტორი, ამ მეცნიერებას მთელი ჩემი შეგნებული ცხოვრება მივუძღვენი. ეკონომიკას და ციფრებს არ აქვს პოლიტიკური გემოვნება. ეს არის ზუსტი მეცნიერება ზუსტი პროგნოზებით და ანალიტიკით. იმ ფაქტის გამოსარიცხად რომ არ ვარ “ჩასაფრებულის პოზაში” მზად ვარ ჩემი აბსოლუტურად ყველა საქმე გადავდო და სრულიად უსასყიდლოდ კონსულტანტის რანგით დავეხმარო ჩემი გამოცდილებით ეკონომიკურ გუნდს ქვეყნის ეკონომიკური კრიზისის დაძლევაში. მზად ვარ ყოველგვარი ანაზღაურების გარეშე სრული სამუშაო დრო დავუთმო ეკონომიკის სამინისტროს კონსულტაციებისთვის. P.S. აბა ვნახოთ თუ გამომეხმაურებიან (ჩემი ნომერი იციან და სავარაუდოდ რათქმაუნდა არ გამომეხმაურებიან P.P.S. 10 დან 1 პროექტზე რომ გამომყვნენ და დაიჯერონ ეს აისახება თითოეული თქვენგანის ჯიბეზე“ – წერს ოთარ აბესაძე.
კომენტარები