„არ გამოვრიცხავ, რომ ნიკა მელიას გამოძიების წინაშე იძულებით წარდგენა მოითხოვონ და სპეცოპერაციისმაგვარი დადგან” – ამის შესახებ პარტია “ლელო საქართველოს” წევრმა, ლევან სამუშიამ გადაცემაში “დღის სტუმარი” განაცხადა.
“რეჟიმის შიში, შიშიდან გამომდინარე, არ ერიდებიან ღია პოლიტიკურ დევნას. ყოველ წელს და ყოველი არჩევნების წინ დაანონსებული სახელმწიფოს გადატრიალების საქმეები, შემდეგ ამ საქმეებზე მოწმეების დაკითხვა. ნიკას და მამუკა ხაზარაძეს რომ ვერ დააშინებენ და ვერცერთ პოლიტიკური პარტიის ლიდერს, ვინც ამ უთანასწორო ბრძოლაში არის რეჟიმთან შესული, ყველამ კარგად ვიცით. აქ მთავარი არის ის, რომ ამ ყველაფერს აყურებინებენ საქართველოს მოქალაქეებს, რომლებსაც პროტესტი აქვთ შიმშილის გამო, პოლიტიკური მართლმსაჯულების გამო, იმის გამო, რომ კოვიდით ათობით ადამიანი კვდება ყოველდღე და უნდათ, რომ ტერორში ამყოფონ. ამით უგზავნიან ღია მესიჯს მოქალაქეებს, რომ ყველაფერზე არიან წამსვლელი.
არ გამოვრიცხავ, რომ შემდეგ სასამართლოს მიმართოს საგამოძიებო ორგანომ და ნიკა მელიას გამოძიების წინაშე იძულებით წარდგენა მოითხოვონ და სპეცოპერაციისმაგვარი დადგან”,- ამბობს ლევან სამუშია.
კომენტარები