ზუგდიდის საკრებულოს პირველი სხდომა ხმაურის და აქციის ფონზე მიმდინარეობს. აქციის წევრები „ნაციონალური მოძრაობის“ ოფისიდან ხმაურიანი მსვლელობით მივიდნენ საკრებულოსთან.
მათი განცხადებით, ზუგდიდში „ქართული ოცნებამ“ პოლიტიკური კრიზისი თავად შექმნა ადგილობრივების არჩევანის წართმევით და ახლა მას მშვიდად მუშაობის უფლებას არ მისცემენ.
“არჩეულმა მერმა” უნდა იცოდეს რომ ის მშვიდად ვერ დაჯდება კაბინეტში” – სკანდირებენ ოპოზიციის წევრები.
პირველი ტურის შედეგებით ზუგდიდში ნაციონალურ მოძრაობას საკრებულოში სრული უმრავლესობა – 23 დეპუტატი ჰყავდა, ქართულ ოცნებას კი 19, თუმცა არჩევნების მეორე რაუნდისთვის მმართველმა პარტიამ ოპოზიციას ერთ გამარჯვებულ ოლქში მანდატი წაართვა, ამან კი ნაციონალურ მოძრაობას უმრავლესობა დააკარგვინა. სწორედ ერთი ხმა აკლია ზუგდიდში ოპოზიციას სრული უმრავლესობისთვის და საკრებულოს თავმჯდომარის ასარჩევად.
კომენტარები