“ივანიშვილის და შევარდნაძის შედარება მკრეხელობაა” – რა არის მთავარი ივანიშვილისთვის? – ბურჯანაძე

პოლიტიკოსი, ნინო ბურჯანაძე, “ფორმულასთან” “ვარდების რევოლუციაზე” საუბრისას, ამბობს:

“ივანიშვილი არ არის პოლიტიკოსი, ივანიშვილი არ არის ედუარდ შევარდნაძის მსგავსი პოლიტიკოსი, რომელსაც არ სურდა სისხლის დაღვრა და არ წავიდოდა ამაზე. ის არის არაფორმალური ლიდერი, რომელმაც ჩაიგდო ქვეყანა ხელში და რომლისთვისაც მთავარი ისაა, რომ ეს ქვეყანა იყოს მისი ქონების და მისი ოჯახის დამცავი ფარი. სხვა ამოცანა ივანიშვილისთვის საქართველოს არა აქვს. მე არც ერთ შემთხვევაში, არავითარ შემთხვევაში არ შევადარებ ბიძინა ივანიშვილის და ედუარდ შევარდნაძის ხელისუფლებას ერთმანეთს, ბიძინა ივანიშვილის და ედუარდ შევარდნაძის შედარება უბრალოდ მკრეხელობაა, რაც უნდა კრიტიკულად იყო შევარდნაძისადმი განწყობილი. შევარდნაძე და არც ერთი მისი ყველაზე აგრესიული მომხრე, არ აძლევდა თავს უფლებას, ასე აგდებულად, ასე ცინიკურად, ასე უპატივცემულოდ დალაპარაკებოდა ოპოზიციას და საზოგადოებას, როგორც დღეს ელპარაკებიან ოცნების წარმომადგენლები. თან ივანიშვილის უზარმაზარი ფული, ერთის მხრივ ართულებს სიტუაციას, მეორეს მხრივ, თუ იმ კონტექტს შევხედავთ, რა კონტექსტშიც ვართ, აადვილებს იმ თვალსაზრისით, რომ დღეს კიდევ უფრო მეტად ვალდებულები ვართ, ვიდრე 2003 წელს, რადიკალური ცვლილებები მოვახდინოთ, არ არის აუცილებელი რევოლუციის გზით, თუ ხელისუფლება ვადამდელ არჩევნებს დანიშნავს, არანაირი რევოლუცია არ იქნება, მაგრამ რადიკალური ცვლილებები ქვეყანას სჭირდება, გარღვევა სჭირდება, ოპოზიციის ერთობა და კოორდინირებული ქმედება სჭირდება და ის, რაც ჩვენ სამმა ლიდერმა ავიღეთ ჩვენ თავზე, ამის გაკეტებაა საჭირო, ან სამის, ან ორის, ხუთის, ან ათის მიერ ერთად.”