“ზურაბიშვილსა და “ოცნებას” შორის არ არის ერთგვაროვანი განწყობა და შიდა უსიამოვნება გამწვავდება” – ეკა ბესელია

პოლიტიკოსი, ეკა ბესელია, ტვ პირველთან ამბობს:

“შეიძლება ეს გარედან არ ჩანს, მაგრამ მე ასეთი აღქმა მაქვს, რომ პრეზიდენტ ზურაბიშვილსა და ქართულ ოცნებას შორის არ არის ერთგვაროვანი განწყობა და სალომე ზურაბიშვილს ახლა ნამდვილად შეუძლია მნიშვნელოვანი მედიატორის ფუნქცია აიღოს და გაბედული ნაბიჯები გადადგას, მისი, როგორც პრეზიდნეტის როლი და მანდატი გამოიყენოს, განსაკუთრებით იმ ვითარებში, როცა ღია ცეცხლი გასხნა ოცნებამ დასავლეთის მიმართულებით. უკრაინის სახალხო დამცველთან გადადგმული სრულიად გაუგონარი ნაბიჯი, მაგალითად, როდესაც არც კი შეუშვეს საპატიმროში. ამ ვითარებაში ზურაბიშვილს გაცილებით უფრო მაღალი პასუხისმგებლობა აკისრია. ველოდები, შიდა უსიამოვნება მეტი სიმწვავის მატარებელი გახდეს და ეს კარგიც იქნება. მართალი თქვა ზურაბიშვილმა, სასამართლო ყველაზე დიდი გამოცდის წინაშეა, ასეთი საქმე დგება დღის წესრიგში, არა გვაქვს დიდი მოლოდინი, თუმცა, აქვე უნდა ვთქვა, მნიშვნელოვანი გამონათება იყო, რამდენიმე მოსამართლის განსხვავებული პოზიცია. ასევე, სასამართლომ უარი თქვა სააკაშვილისთვის აღმკვეთი ღონისძიების დატოვებაზე, სხვა გადაწყვეტილებაც მინახავს ანალოგიურ საქმეებზე და მგონია, ესეც მნიშვნელოვანი სიგნალი იყო უდაოდ.

სტრასბურგის სასამართლო, რომელიც 24-ში იმსჯელებს, მაქვს მოლოდინი, გაცილებით უფრო მკაფიო და მკვეთრ გადაწყვეტილებას მიიღებს. პირველ ჯერზე იმაზე მეტს ვერ იტყოდა, ვიდრე თქვა, მართლა ახლა საავადმყოფოს ნომერს ხომ ვერ ჩაწერს, სად უნდა გადაიყვანო პატიმარი? ძალიან ნათლად თქვა, რომ უნდა იყოს შესაბამისი პირობები, პროპორციული, მისი მდგომარეობის. მას შემდეგ მოხდა იმ კადრების გავრცელება და გაცილებით მძიმე ვითარებაა ახლა. გაცილებით მკაფიო გზავნილები იქნება ახლა.”