საქართველოს პარლამენტის ვიცე-სპიკერმა არჩილ თალაკვაძემ „რუსთავი 2“-ის ეთერში განაცხადა:
„ძალიან ცუდია და შეუმჩნეველი რჩება ყველას, რომ სააკაშვილის საფრთხეში აგდებს სხვა მოქალაქეების სიცოცხლესა და ჯანმრთელობას. როდესაც იცის, რომ პარლამენტარი ელენე ხოშტარია მართლა შიმშილობს მის გამო, ის მხოლოდ პირადი მოსაზრებებით, საფრთხეში აგდებს ელენე ხოშტარიასაც. დღეს მოქალაქეებმა უნდა განვასხვავოთ, რომ ერთ მხარეს არის სააკაშვილი თავის ავანტიურული გეგმით და ამ გეგმაში ჯდება ყველაფერი ის, რაც გარეთ ხდება.
ის შიგნიდან აძლევს დავალებებს თავის მხარდამჭერებს, თავის ტელევიზიებს და ეს პროცესი როგორც ადრე უკრაინიდან, დღეს პენიტენციური დაწესებულებიდან არის მართული.
უფრო მარტივია, რომ სააკაშვილმა შეწყვიტოს შიმშილობა, ვიდრე მთელი სახელმწიფო გადაეწყოს სააკაშვილის ავანტიურულ გეგმაზე.
ეს სახელმწიფოა და არა მიხეილ სააკაშვილის შპს კომპანია, ან „ნაციონალური მოძრაობა“, ეს საქართველოა, რომელიც აღარ დაბრუნდება სააკაშვილის მართვის სტილში“
როგორც ჩანს, დღეს ხელისუფლება ორ გეგმას განიხილავს – ერთს, მარტივს, რომლის პირობებშიც, სააკაშვილმა უნდა შეწყვიტოს შიმშილობა და გაჩუმდეს და მეორე გეგმაა – მიჰყვეს “სააკაშვილის ავანტიურულ გეგმას”. მარტივი, თუ ავანტიურული გზა? – მხოლოდ ამ ორ ვერსიას განიხილავს ოცნება?
შეგახსენებთ, კარგა ხნის მანძილზე “ქართული ოცნების” ლიდერები ჯიუტად ამტკიცებდნენ, რომ სააკაშვილის შიმშილობა ფეიკია.
კომენტარები