სოციალურ ქსელში დაკარგული ჰასკის შესახებ ემოციური ისტორია ვრცელდება.
როგორც ნათია ჩიქოვანი “ფეისბუქის” პირად გვერდზე წერს, ძაღლი თბილისში, ვაჟა ფშაველას გამზირზეა.
“დედაას გეფიცებით!!!! დედა მომიკვდეს, ასეთი რამე ჯერ არ გადამხდენია! ეხლაც ვტირი და ვერ ვწყნარდები.
რაღაცის საყიდლად გამოვედი გარეთ. საიდანღაც გამოჩნდა, მივეფერე და მანქანის კარი გავაღე თუ არა მანქანაში შეხტა. მერე მეორე სავარძელზე გადაჯდა (ისიც იცოდა რომ საჭესთან მე უნდა დავმჯდარიყავი) და დაწვა.
100% ახალი გამოსმული ყავს ვიღაცას გარეთ. იცის მანქანაში მოქცევა, ყველაფერი იცის!!!
5 ადამიანი მეხმარებოდა, რომ გადმოსულიყო მანქანიდან, ტიროდა ხალხო!!! ტიროდა. არც საჭმლის გამო, არაფრის გამო არ გადმოვიდა მანქანიდან. ახლაც არ ვიცი ბოლოს რატო გადმოვიდა, დანებდა.
მერე ცოტა გავცდი იმ ადგილს და მოსახვევში გავაჩერე, რომ ეს სტატუსი დამეწერა. მიპოვაა და გარედან ახტებოდა მანქანას, თათს ადებდა ფანჯარას და ტიროდა ხალხო.
მერე დაჯდა იქვე და მართლა მეხვეწებოდა კარი გამიღეო.ვინც მიცნობს, კი გეცოდინებათ, რომ ეგრევე სახლში წავიყვანდი, 1% მაინც რომ მქონდეს შანსი.
სუფთა სისხლის ჰასკია! ულამაზესი!!!
ისე უნდა პატრონი და ადამიანი, რომ ვერ აგიღწერთ სიტყვებით. ვერ ხვდება ქუჩაში რატოაა. ამაზე ერთგული მეგობარი არ ვიცი ვინ უნდა ნახოთ!!გემუდარებით! გაავრცელეთ ეს ისტორია.
ვაჟა-ფშაველაზეა, ასათიანის გზაჯვარედინის კუთხეთან, რამდენიმე დღეა გამოჩნდაო.ცოფზე აცრილი და კასტრირებულიცაა უკვე (ბირკა აქვს, ეგ ხარჯებიც მოგცილდებათ).
ვაჩუქებ გრუმინგს, კომპლექსურ აცრებს და 1 თვის საკვებს.
გთხოვთ, მაპოვნინეთ ამისთვის პატრონი. ვინმე თუ ეძებთ ჯიშიან ცხოველს, გთხოვთ წაიყვანეთ რა.
ძალიან მეცოდება, ვერ ვწყნარდები, ერთი წამითაც არ მაქვს შანსი, 2 კატიან პატარა სახლში გაჩერების, თორე უკვე სახლში მეყოლებოდა.
გთხოვთ, ეს უნდა გაჩუქდეს”, – წერს ნათია ჩიქოვანი სოციალურ ქსელში.
კომენტარები