“ისედაც გაუბედურებული ბიუჯეტის ფლანგვით რა შედეგს მივაღწევთ, კი გამოჩნდება მალე” – ასე ეხმაურება ჟურნალისტი ირაკლი აბსანძე პრემიერ-მინისტრის გადაწყვეტილებას, პენისიონერებისთვის კოვიდვაქცინის შემთხვევაში 200 ლარიანი ერთჯერადი კომპენსაციის დაწესებას. მისი თქმით, მთავრობამ კოვიდი საკუთარი პოლიტიკური მიზნებისთვის გამოიყენა.
“ეს აბდაუბდა “მწვანე პასპორტი”, სინამდვილეში, პანდემიის პოლიტიკური მართვის კიდევ ერთი ილუსტრაციაა.მთავრობამ კოვიდი პოლიტიკურად გამოიყენა და ახლა თავისივე წინასაარჩევნო გადაწყვეტილებების ტყვეა. რა აზრი აქვს შეზღუდვას, თუ ყველამ წინასწარ იცის, რომ სახელმწიფო უსაქციელობისთვის შეფარდებულ ჯარიმებს მაინც ჩამოგაწერს?!თანაც, სანამ შეზღუდვა ყოველდღიური სარგებლობის სავაჭრო ობიექტებს არ შეეხება, რა დისკომფორტს უქმნის სახელმწიფო ანტივაქსერებს?!იმ ხუთიოდე ურბანულ ცენტრში, სადაც კინო, თეატრი, მუზეუმი და კაფე-ბარები გვაქვს, გასართობად მოარული ხალხის დიდი ნაწილი, ალბათ, ისედაც აცრილია. კი, პენსიონერებისთვის 200-ლარიანი ჯილდო იმუშავებს. მოკლედ, პანდემიის მანდატურულად მართვის შანსი და რესურსი ჩვენ აღარ გაგვაჩნია. ისედაც გაუბედურებული ბიუჯეტის ფლანგვით რა შედეგს მივაღწევთ, კი გამოჩნდება მალე. აღდგომა და ხვალეო. – წერს ირაკლი აბსანძე
კომენტარები