ენმ-ს წევრი, ვანო მაღალაშვილი სატელევიზიო კოემნტარის გაკეთების გამო დააკავეს. ინფორმაციას “ტვ პირველს” სამოქალაქო აქტივისტი, ირაკლი ფავლენიშვილი უდასტურებს.
მაღალაშვილმა კი მედიას მხოლოდ ერთი წინადადება უთხრა – “მმართველ გუნდს ქართველი ხალხის პროტესტის ეშინია”.
ჯებირებთან ვიყავით მოსულები და მედიას კომენტარი მივეცით. ამის მეტი აბსოლუტურად არაფერი მომხდარა. ამის შემდეგ ხელი მოკიდეს ამ ადამიანს, ინტერვიუში რაღაც ისეთი თქვიო და წაიყვენეს. “ქართული ოცნება” ბელარუსის მსგავსად, ავტორიტარულ რეჟიმზეა გადასული”- აცხადებს სამოქალაქო აქტივისტი.
თავად ვანო მაღალაშვილმა დაკავებამდე “ტვ პირველს” უთხრა, რომ “ხელისუფლება შეშინებულია”.
როდესაც ხელისუფლება უყურებს, რომ საზოგადოება აღელვდება და ქუჩაში გამოდის, ეშინიათ და რკინის ღობეს ირტყამენ გარშემო. ეს მიანიშნებს იმაზე, რომ შეშინებულები არიან, მაგრამ მინდა ბთქვა, რომ ბევრი ციხე და კოშკი აუგიათ, ძალებს რომლებიც დამარცხებისთვის განწირულები არიან. “ქართული ოცნება” დამარცხებული ძალაა და ეს არჩევნებზეც გამოჩნდა და ეს რკინის კონსტრუქცია ვერ უშველით მათ”- აცხადებდა “ტვ პირველთან” ვანო მაღალაშვილი.
კომენტარები