“ნებისმიერი ვარიანტი, რომელიც გავრცელების პოტენციალით გადაასწრებს დელტა ვარიანტს, ჩაანაცვლებს მას. რადგან მას აქვს გავრცელების პოტენციალი 10-15%-ით მეტი, რა თქმა უნდა ეს პროცესი სადღაც დაიწყება და 6 თვის მერე იქნება, თუ 7-8 თვის მერე შეიძლება სრულად ჩაანაცვლოს” – ამის შესახებ ალერგოლოგმა ბიძინა კულუმბეგოვმა კორონავირუსის ახალ შტამთან დაკავშირებული რისკების შეფასებისას განაცხადა.
მისივე თქმით, ახალი შტამის შემთხვევაშიც კი გამოწვევა იგივე რჩება – რეგულაციების დაცვა და ვაქცინაცია.
“მაგრამ ჩვენ რა გამოწვევების წინაშეც ვდგავართ, იგივე გამოწვევის წინაშე გვტოვებს.უნდა ვატაროთ პირბადე და დავიცვათ დისტანცია, რაც არის ინფექციის ბაზისური მართვა. რა თქმა უნდა, იმისათვის. რომ პანდემია კოვიდსასაკლაოდან გადავაქციოთ მართვად პანდემიად, გამოსავალი არის მასიური ვაქცინაცია. გამორიცხულია ვერცერთი ქვეყნის ჯანდაცვის სისტემა ვერ გაუძლებს ჩვენ ქვეყნის მოცულობის ერთდროულად 56 ათასი აქტიური შემთხვევის არსებობას,” – განაცხადა ბიძინა კულუმბეგოვმა.
კომენტარები