“ვითარება მძიმეა! ხვალ ვიკრიბებით და არ ვიშლებით!” – სად და რომელ საათზე იმართება აქცია?

“ენმ”-ის ლიდერი, ნიკა მელია საგანგებო განცხადებას ავრცელებს:

“ვითარება მძიმეა, მიხეილ სააკაშვილის სასიცოცხლო მაჩვენებლები დღითი დღე უარესდება და ჩვენ უნდა ვიმოქმედოთ.

ხვალ ჩვენ ძალიან ბევრნი უნდა შევიკრიბოთ რუსთავის ციხესთან 5 საათზე და ეს აქცია იქნება პერმანენტული და მზარდი. ხვალიდან ვიწყებთ დარჩენით, შემოგვიერთდება ყველა ჩვენი პარტნიორი თანამოქალაქე ყველა რეგიონიდან, ყველა სოფლიდან, იქ ვიქნებით მანამ, სანამ სააკაშვილს არ გადაიყვანენ სამოქალაქო საავადმყოფოში.

ხვალ რუსთავის ციხესთან 5 საათიდან ვიწყებთ აქციებს, რომელსაც შემოუერთდება მთელი საქართველო.

ხვალ ვიკრიბებით და არ ვიშლებით.

ყველა ექიმი გვეუბნება, თუ გონი დაკარგა სააკაშვილმა და მერე მოხდა მისი გადაყვანა კლინიკაში, იქ მერე, მისი სიცოცხლის გადარჩენა ეჭვქვეშ დგება, ამიტომ ის უნდა იქნეს გადაყვანილი კლინიკაში მანამ, სანამ ის ჩავარდება კომაში.”

ნიკა მელიამ სიუპრიზებიც დააანონსა, თუმცა, თქვა, რომ ბიძინა ივანიშვილის გასაგონად ამას არ იტყვის.