“ეს არაკაცების და მკვლელების ხელისუფლებაა, ისინი არიან მკვლელები და არაკაცები” – ნიკა მელია

“ენმ”-ის თავმჯდომარე, ნიკა მელია:

“დღეს არ არსებობს არც ერთი ღირსეული ადამიანი, რომელიც სოლიდარობას არ უცხადებს მოშიმშილე მიხეილ სააკაშვილს. ერთადერთი, ვინც ანთხევს ბოღმას და სავსეა სიძულვილით, ეს არის ხელისუფლება. ეს არის არაკაცების ხელისუფლება. დიახ, არაკაცებისაა ხელისუფლება, როდესაც 35 დღის განმავლობაში მოშიმშილე პრეზიდენტს დასცინიან. არაკაცობაა შეჯიბრი ხელსუფლებაში, ვინ უფრო მწვავედ დასცინის მესამე პრეზიდენტს. არ მოვერიდები ამის თქმას – ისინი ყველანი არიან არაკაცები. ბიძინა ივანიშვილისგან დაწყებული, ღარიბაშვილი, კობახიძე, კალაძე და სხვები არიან ჩვეულებრივი მკვლელები და ხელებს იფშვნეტენ როდის მოკლავენ ქვეყნის მესამე პრეზიდენტს, როდის გადაისროლიან მთელ ქვეყანას დესტაბილიზაციის მორევში.

ჩვენ ადამიანობას ვითხოვთ ხელისუფლებისგან და არ ვითხოვთ პოლიტიკურ ჟესტებს. რომ ვიცოდთ, რომ მათ ღირსება გააჩნიათ, პასუხისმგებლიანი ნაბიჯების გადადგმას მოვთხოვდით, მაგრამ იმ ელემენტარულსაც ვერ ახერხებენ, რომ არაკაცები არ იყვნენ.”