ხატია დეკანოიძე, რომელმაც ციხეში მყოფი მიხეილ სააკაშვილი ინახულა, მედიასთან ამბობს:
“პირველ რიგში, რაც მე მაწუხებს, ეს მისი ჯანმრთელობის მდგომარეობაა, სუსტადაა, მაგრამ გამორჩეულად მხნედ, გაკვირვებული ვარ, თუმცა, რა თქმა უნდა, ამდენი დღე რომ შიმშილობს, ეს აისახება მის ფიზიკურ სისუსტეზე.
ვისაუბრეთ ბევრ საკითხზე, პირველ რიგში, მიხეილ სააკაშვილის თავისუფლებაზე, ეს უნდა იყოს ერთ-ერთი მნიშვნელოვანი საკითხი, მის თავისუფლებაზე გადის ამ ქვეყნის მომავალი.
არჩევნების შედეგებზე ვისაუბრეთ – ეს გამარჯვება წაგვართვეს.
ვისაუბრეთ პროტესტზე – რომელიც იგეგმება არაერთ ქალაქში და ციხესთან.
რაც შეეხება საპარლამენტო საკითხებს და მანდატებს – მისი პოზიცია არ შეცვლილა და მეც იგივე პოზიციაზე ვარ, მაგრამ ჩვენ გვჭირდება ეს მანდატები, არა იმისთვის რომ პარლამენტში ვიაროთ ყოველდღიურად, არამედ, იმისთვის, რომ ვადამდელი არჩევნები დაინიშნოს და დავაჭიროთ იმ ღილაკს ხელი, რომელიც აუცილებელია. ასევე აუცილებელია მისი ნახვისთვის მანდატები. ივანიშვილს უნდა ის მოაქციოს იზოლაციაში. რეჟიმის წინააღმდეგ, ყველა ბერკეტი უნდა გამოვიყენოთ. პარლამენტში არაფერი გვესაქმება, მაგრამ ვადამდელი არჩევნებისთვის და ციხეში სააკაშვილის მონახულებისთვის აუცილებელია ამ ბერკეტის გამოყენება.”
კომენტარები