“მთელი ციხე იცინის” – რას ჰყვება კობახიძე – შეთქმულება “ოცნებაში”?

“ქართული ოცნების” თავმჯდომარეს, ირაკლი კობახიძე:

“შიმშილობა სინამდვილეში არის იმიტირებული და ამაზე კონკრეტული ინფორმაცია არსებობს. იუსტიციის სამინისტრომაც გააკეთა განცხადება და მიაწოდა ინფორმაცია საზოგადოებას. მთელი ციხე იცინის, რომ ლიმონათი  უყვარს“

ირაკლი კობახიძე არ ხსნის, თუ სააკაშვილი არ შიმშილობს, რატომ ვერ უდასტურებენ ამ ინფორმაციას, თუნდაც შარლ მიშელს, რომელიც სააკაშვილის გადაყვანას კერძო კლინიკაში ითხოვს? ან უკრაინას, რომელმაც სახალხო დამცველი შეაგზავნა ციხეში, დიდი ალბათობით, სწორედ იმის გასაგებად, რას ეფუძნება ქვეყნის პირველი პირების განცხადებები – უკრაინის სახალხო დამცველმაც განაცხადა, რომ სააკაშვილი შიმშილობს და ჯანმრთელობის ოთხი კრიზისული მდგომარეობა ჰქონდა.

არაერთხელ დავუსვით კითხვა კობახიძეს ღიად – არ შიმშილობს სააკაშვილი და იუსტიციის მინისტრი ტყუილად ემზადება მის გადასაყვანად კლინიკაში თვითმფრინავით? არ შიმშილობს სააკაშვილი და ჯანდაცვის მინისტრი ტყუილად აგზავნის ციხეში ექიმების გუნდს? – ამ კითხვებს კობახიძე არ პასუხობს.