“ქვეყანაში მომატებულია მობილობა და დამამშვიდებელ პროგნოზს ვერ ვიძლევი” – გამყრელიძე

დაავადებათა კონტროლის ცენტრის დირექტორი, ამირან გამყრელიძე, რუსთავი2-თან ამბობს:

ეპიდსიტუაცია მაღალ ციფრებზე ნარჩუნდება, 2000 რაც გვქონდა დღეს დილისთვის, ეს კვირის ფენომენია, ტესტირების რაოდენობა კვირას, როგორც იცით, მცირდება,. ბოლო ორი კვირაა ახალი შემთხვევების რაოდენობა ყოველდღიურად მერყეობს 3500-4500 შორის, შესაბამისად მომატებული იყო რეპროდუქციის ინდექსი, თუმცა ბოლო ორი კვირაა და დღეს განსაკუთრებით, რეპროდუქციის ინდექსი ჩამოცილდა ერთს. როცა რეპროდუქციის ინდექსი მცირდება, ეს დამაიდებელია, მაგრამ ქვეყანაში იცით მომატებულია მობილობა ბევრი ფაქტორის გამო და დამამშვიდებელ პროგნოზს ვერ ვიძლევი.

სიკვდილიანობა ისევ 40-ს გადაცილდა, მაშინ, როცა ოქტობრის დასაწყისში 30-მე ვიყავით ჩამოსულნი.

რადიკალურად მცირდება აცრის ყველდღიური მაჩვენებელი – ივლისში აცრის ყოველდღიური საშუალო მაჩვენებელი იყო 7 000-ე მეტი, აგვისტოში გადაცდა 23 ათასს, სექტემბერში 19 -ათასზე მეტი და ოქტომბერში ჩამოვედი 5 ათასზე მეტზე. ამ პანდემიას შეაკავებს მხოლოდ ინტენსიური აცრები. დღევანდელი მონაცემით ორჯერადად აცრილია მოსახლეობის 23 პროცენტი, ერთჯერადად აცრილია 36,5 პროცენტი. ჩვენი წლევანდელი სამიზნე არის მოზრდილი მოსახლეობის 60 პროცენტი, დელტა შტამისთვის, უკვე 60 პროცენტიც არ არის საკმარისი, სასურველია 70-80 პროცენტი. თუ ამ ჩარჩოში განვითარდა მოვლენები და ყოველდღიურად აცრილი იქნა 5-6 ათასი ადამიანი, სამიზნეს ვერ მივაღწევთ და ეპიდემიას ვერ შევაკავებთ. საჭიროა უფრო ქმედითი ღონისძიებები.

ჩვენ ახალ ველოსიპედს ვერ გამოვიგონებთ, ის რაც ბევრმა ქვეყანამ გააკეთა… – ზოგისთვის ზღვრული მაჩვენებელი იყო 30 პროცენტი, ზოგისთვის მეტი, ჩვენთვის ეს აღმოჩნდა 33-36 პროცენტის ფარგლებში, ანუ, ნებაყოფლობით მეტი ადამიანი, თუ რაღაც ძლიერი წამხალისებელი, ან შემზღუდველი ღონისძიებები არ იქნა შემოღებული, აღარ აიცრება. დავიწყეთ ბუსტერ დოზა, უკვე 2 000-მდე ადამიანს გაკეთებული აქვს ქვეყანაში მესამე ინექცია, უმეტესად ფაიზერით. “