“იმდენი ჭკუა მაინც გქონოდათ, რომ ეს მაინც არ გეხსენებიათ დღეს” – ბურჯანაძე ღარიბაშვილს

პოლიტიკოსი, ნინო ბურჯანაძე, მედიასთან ამბობს:

“პრემიერ-მინისტრისგან გახმოვანდა ერთი გზავნილი და ძალიან გამიხარდება, თუ ჩემ ნათქვამს გაიგონებენ ის ადამიანები, რომლებიც ქართული ოცნების შემოხაზვას აპირებენ და რომლებიც გულზე მჯიღს იტყამენ, რომ თურმე, რა გადასარევია, სააკაშვილი რომ ციხეში ზის, სამართლიანობა აღდგება, თურმე.

დღეს ღარიბაშვილმა, აი, ჭკუაც კი არ ჰყოფნის ელემენტარულად, ახსენა მეგის ქარდავა, რომ მეგის ქარდავა ჩამოიყვანეს, ექსტრადიცია მოითხოვეს და ციხეში ჩასვეს. ბატონო ირაკლი, მეგის ქარდავა რაც არის, მეტ-ნაკლები წარმოდგენა ყველას გვაქვს, მაგრამ მისი მოადგილე ირაკლი ჩინოვანი, ფრთიანი ანგელოზი იყო? ან დებილი უნდა იყოს მოადგილე, თუ არაფერი იცის უფროსი რას აკეთებს, ან უფროსის ქმედებების წარმატებისაც და წარუმატებლობისაც თანამონაწილეა და ბატონი ჩიქოვანი ბათუმის მერად რომ გყავთ დასახელებული, რომელ სამართლიანობაზე ლაპარაკობთ? ეგება იმდენი ჭკუა მაინც გქონოდათ, რომ მეგის ქარდავა მაინც არ გეხსენებიათ დღეს. მათ სამართლიანობა არაფერში აინტერესებთ, მხოლოდ ძალაუფლების გამყარება აინტერესებთ. სამართლიანობის აღდგენა თუ უნდოდათ, მეათე წელიწადია ხელისუფლებაში არიან.”