“ცეცხლი, სავარაუდოდ გაჩნდა ჭერში და იყო დაბნეულობა” – რა მოხდა გუშინ რუსთავის მე-17 ციხეში?

სახალხო დამცველი ნინო ლომჯარია რუსთავის N17 ციხეში იმყოფებოდა, სადაც გუშინ, ხანძრის შედეგად ორი პატიმარი გარდაიცვალა.

ნინო ლომჯარია მედიასთან ამბობს:

“გამოძიებამ უნდა დაადგინოს, მაგრამ მე როგორც მითხრეს, ეს არ გაჩენილა გაზქურიდან, სავარაუდოდ, ცეცხლი გაჩნდა ჭერში და შესაძლებელია ეს ყოფილიყო დენის სადენებისგან.

როგორც ჩანს, იყო დაბნეულობა. ვფიქრობ, გამოძიებამ უნდა დაადგინოს, იყო თუ არა დაცული სახანძრო უსაფრთხოების წესები  და რეაგირება სწორად განხორციელებული. მე რასაც ვხედავთ, თვითონ მშენებლობის დროსაც, რამდენად იყო სახანძრო უსაფრთხოება დაცული… ძალიან სწრაფად გავრცელდა და ძალიან მომწამვლელი კვამლი იყო. ზოგადად ჩვენ დავინტერესდებით, არის თუ არა სახანძრო უსაფრთხოების წესები ციხეში”