“ლელოს” გენერალური მდივანმა, საკრებულოს თავმჯდომარეობის კანდიდატმა ბადრი ჯაფარიძემ, თბილისის მერობის კანდიდატმა ანა ბიბილაშვილმა და თბილისის მაჟორიტარი დეპუტატობის კანდიდატებმა პარტიის წინასაარჩევნო კამპანია შეაჯამეს.
“ლელოს” თბილისის მერობის კანდიდატმა ანა ბიბილაშვილმა, არჩევნებში მონაწილეობის მნიშვნელობაზე ისაუბრა და აღნიშნა, რომ არჩევნებში მონაწილეობით ხალხი შეცვლის ქვეყნის მომავალს.
“ორი ოქტომბერი არის რეფერენდუმი მთელი ქვეყნისთვის. აუცილებლად უნდა მოხვიდეთ გარდამტეხ არჩევნებზე სადაც თითოეული თქვენგანის ხმა ამ ქვეყანას მოუტანს ცვლილებებს. მოდით არჩევნებზე და აირჩიეთ ალტერნატივა და ქვეყნის მომავალი,”- ანა ბიბილაშვილი.
“ლელოს” საკრებულოს თავმჯდომარეობის კანდიდატის ბადრი ჯაფარიძის თქმით, თითოეულ მოქალაქეს შეუძლია თავისი არჩევანი გააკეთოს და წვლილი შეიტანოს ქვეყნის განვითარებაში და აუცილებელია ხალხმა არჩევნებში მონაწილეობა მოიღონ.
“კამპანიის განმავლობაში ამომრჩეველთან მჭიდრო ურთიერთობა მქონდა და კარგად ვიცი, რა საჭიროებები არსებობს დედაქალაქში და რა სჭირდებათ ადამიანებს. მათში მომწიფებულია ცვლილებების სურვილი და ამიტომ აუცილებელია ხვალინდელ არჩევნებზე თითოეულმა მოქალაქემ დაასრულოს ის არეულობა, სიყალბე და სიცრუე რაც ქვეყანაშია,”- ბადრი ჯაფარიძე.
კომენტარები