დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის, ამირან გამყრელიძის ვაჟს, ნიკოლოზ გამყრელიძეს ახალი კორონავირუსი დაუდასტურდა.
დაავადებათა კონტროლისა და საზოგადოებრივი ჯანმრთელობის ეროვნული ცენტრის პრესცენტრში ამბობენ, რომ ამირან გამყრელიძეს არ ჰქონია შვილთან შემხებლობა, რადგან ნიკოლოზ გამყრელიძე თვითიზოლაციაში იყო.
“ბატონ ამირანი არ იყო კონტაქტში მასთან, ის თვითიზოლაციაში იყო”, – თქვა ნინო მამუკაშვილმა.
კითხვაზე აპირებს თუ არა ამირან გამყრელიძე ტესტის გაკეთებას ახალ კორონავირუსთან დაკავშირებით, პრესცენტრში ასე გვიპასუხეს:
“თუ საჭირო გახდა, როგორი კანონმორჩილი ადამიანია იცით, რაც საჭირო იქნება ყველაფერს გაიკეთებს. ამ ეტაპზე მას შვილთან კონტაქტი არ ჰქონია”, – ამბობს ნინო მამუკაშვილი.
პრაიმ ტაიმი
კომენტარები