ყველაზე დიდი სისტემური მიმოხილვა ჩინელებმა გააკეთეს ათი დღის წინ. იქ არის ანალიზი დაახლოებით 70 000 შემთხვევის. 20 წლამდე სიკვდილიანობა არ არის დაფიქსირებული, სიკვდილიანობის საშუალო ასაკი დაახლოებით 49 წელია, – ამის შესახებ დაავადებათა კონტროლის ცენტრის დირექტორმა, ამირან გამყრელიძემ ტელეკომპანია „იმედის“ გადაცემა „ანატომიაში“ ისაუბრა.
„შემთხვევათა 80%-ში სიკვდილიანობა არის 60 წელს ზემოთ ასაკში და დაღუპულთა 50%-ს ჰქონდა თანმხლები ქრონიკული დაავადებები, როგორიც არის გულ-სისხლძარღვთა დაავადებები, სიმსივნეები, დიაბეტი და ქრონიკული ობტრუქციული ფილტვის დაავადებები. ზოგადი სიკვდილიანობის პროცენტი არის 2.3%. თუმცა ზოგიერთ ქვეყნაში ეს მაჩვენებელი უფრო მაღალია, მაგალითად ირანში, უკვე იტალიაშიც“, – განმარტა გამყრელიძემ.
კომენტარები