“ამ ტრუხა სამსახურის ტრუხა დასკვნით ფარავენ უფრო დიდ დანაშაულს, ვერ გვათოხლებთ…” – მიშა მშვილდაძე

პროდიუსერი, მიშა მშვილდაძე:

“ახლა აქ რა ხდება – ერთი შეხედვით, იფიქრებთ რომ სისტემას სინდისი აღმოაჩნდა და ეს რაღაცის დაცვის ინსპექტორი ვითომ პატიოსანი სამსახურია და ამხილა შსს იმაში, რაც ისედაც ცხადი იყო და სასტიკადაც დააჯარიმა – 2000 ლარით – დაახლოებით ასე აჯარიმებენ ხოლმე აქტივისტებს ასფალტზე პუტინი მტერიას დაწერისთვის, რომ იცოდეთ შესადარებლად.

ჰოდა, ეშმაკი ახლა რომელ დეტალში იმალება აქ – შსს სთან ერთად საპატრიარქოს კლინიკაც დააჯარიმეს, ვითომ კადრების უკანონოდ გასაჯაროებისთვის – რომელ კადრებზეა ახლა საუბარი ამ კლინიკის ნაწილში გაგახსენებთ, მეც ვწერდი ფბ ზე და მედიაც აშუქებდა:

დადგმული, დადგმული კადრები რომ იყო, ვითომ ლექსოს “ძმაკაცი” რომ მიდის კლინიკაში და ნათამაშები პათოსით რომ აქვს ცრუ დიალოგი – ტყეშია, ცუდადაა ნარკანი მომეცითო და ვითომ არ აქვთ კლინიკაში ნარკანი – იმდენი დრო არ გასულა რომ არ გახსოვდეთ.

ჰოდა ამ ტრუხა სამსახურის ტრუხა დასკვნით ცდილობენ მსუბუქი შენიშვნა მისცენ შსს-ს, ვითომ ეს რა ქნეს, უკანონოდ ამოიღეს მასალები

სინამდვილეში კი ფარავენ უფრო დიდ დანაშაულს – საგამოძიებო მასალების და მტკიცებულებების გაყალბებას.

ჰოდა, ვერ გვათოხლებთ ვერაფერს, აფერისტების და უმორალო ნაძირლების სისტემავ – მოგიწევთ ამ დანაშაულზე კანონის სრული სიმკაცრით პასუხისგება.”

სახელმწიფო ინსპექტორის სამსახურმა, რომლის ხელმძღვანელი პირია ლონდა თოლორაია, ლექსო ლაშქარავას გადაადგილების ამსახველი ვიდეოჩანაწერების გასაჯაროება პერსონალური მონაცემების დაცვის დარღვევად შეაფასა და შს სამინისტრო 2 000 ლარით დააჯარიმა. მან დააჯარიმა კლინიკაც 500 ლარით.