(ვიდეო) – “მე შემიძლია ისეთი პოლიტიკური უთო გავაკეთო, თავი არ გამოყოთ არასდროს ეთერში” – დაპირისპირება პირდაპირ ეთერში

პარტია “კანონი და სამართლიანობის” ლიდერი თაკო ჩარკვიანი ტელეკომპანია “ფორმულას” ეთერში ყოფილი პრემიერის, გიორგი გახარიას გუნდის წევრს, ბერდია სიჭინავას დაუპირისპირდა.

კერძოდ, ჩარკვიანმა პარტია “საქართველოსთვის” წევრს ოკუპაციის შესახებ კანონის გადახედვისკენ მოუწოდა.

“პოლიციის შესახებ კი არა ოკუპაციის შესახებ კანონს გადახედეთ თქვენ და გითმენთ აქ ამდენი ხანია და მართლა რამდენს ბედავთ. 20 ივნისის აპრავებთ აქ, მართლა რას ჰგავს ეს! გადახედეთ ოკუპაციის კანონს. თუ გადახედეთ მაშინ უნდა იცოდეთ, რომ გავრილოვი არ უნდა იჯდეს პარლამენტის სავარძელში და პატრიოტებს თვალები არ უნდა დათხაროთ! რატომ უნდა… რატომ ვჩხუბობ კი არა, ამდენ ადამიანს უტიფრად… აგრესია ბატონო? აგრესიაა ახალგაზრდებს სიცოცხლე გაუმწარეთ და ბედავთ, რომ ეს კანდიდატი მერად წარადგინოთ,” – მიმართა ჩარკვიანმა გახარიას გუნდის წევრს.

პარტია “საქართველოსთვის” წევრმა თაკო ჩარკვიანს შემდეგი კითხვით მიმართა – “ნაციონალური მოძრაობის” მერობის კანდიდატი ვინ არის ქალბატონი თაკო?!” – რაზეც ჩარკვიანმა მას განუცხადა, რომ – “რა ნიკა მელიამ დათხარა ვინმეს თვალები?! მაინტერესებს ნიკა მელიამ ვინმეს დათხარა თვალები… მაინტერესებს ვინმეს სისხლი დაღვარა ნიკა მელიამ… გინდობთ, თორემ მე შემიძლია ისეთი პოლიტიკური უთო გავაკეთო, თავი არ გამოყოთ არასდროს ეთერში”