საზოგადოებრივი მაუწყებლის ეთერში მერობის კანდიდატების დებატებზე ყოფილი თანაგუნდელისა და პარტია საქართველოსთვის თავმჯდომარე, გიორგი გახარია, კახა კალაძეს ეკითხება, ეთანხმება თუ არა ქართული ოცნების წევრების ბრალდებებს მის მიმართ ნარკომანიის, ღალატისა და სააკაშილთან კავშირის შესახებ.
კახა კალაძე:
“ნარკომანობასთან დაკავშირებით, მგონი, არავის დაუბრალებია და არავის არ უთქვამს, რომ გიორგი გახარია ნარკომანია.
რაც შეეხება, გიორგი, შენს საქციელს, მე ეს პირდაპირ ეთერშიც ვთქვი, შენც გითხარი – მე არ მომეწონა ის შენი გადაწყვეტილება, რომელიც თებერვალში მიიღე. მე არ შევალ შინაარსში, ყოველთვის მაქსიმალურად ვცდილობ, ვიყო თავშეკავებული, როდესაც კითხვა ისმება გიორგი გახარიასთან დაკავშირებით. მე, პირველ რიგში, ვარ კაცი და მერე ვარ პოლიტიკოსი, შესაბამისად, ადამიანებთან ურთიერთობას მე გარკვეულ როლს ვანიჭებ. თბილისმა და თბილისელებმა გადაწყვიტოს ყველაფერი”.
კომენტარები