“მან მაზიარა გულწრფელი ლოცვის საიდუმლოსა და მადლს, ასეთი ადამიანები მოხვდებიან სასუფეველში” – ბარამიძე

„ნაციონალური მოძრაობის“ წევრი გიორგი ბარამიძე ფოტოს აქვეყნებს და წერს:

„გული ჩამწყვიტა მეუფე სერგის ამ ქვეყნიდან წასვლამ. მას 1989 წლიდან მოყოლებული ვიცნობდი, როცა იგი საფარის მონასტერში ბერი და მონასტრის წინამძღოლი იყო და მე და სტუ-ის ახალგაზრდათა ჯგუფი მონასტრის აღდგენით სამუშაოებზე ჩავედით მის დასახმარებლად.

სწორედ მაშინ მან მაზიარა ტაძრის სიმყუდროესა და გულწრფელი ლოცვის საიდუმლოსა და მადლს. რამაც სიცოცხლის ბოლომდე შემაყვარა ეს ზორბა, დინჯი და ყველასა და ყველაფრის მიმართ სიყვარულით სავსე ნამდვილი ქრისტიანი ადამიანი, რომელიც თვითონაც ეპისკოპოსობის მაღალ სიმაღლეზე ღირსეულად ამაღლდა და კიდევ ბევრ მაშინდელ ახალგაზრდას დაულოცა ეს გზა და მუდამ გვერდში ედგა.

ძალიან მიმძიმს მასზე წარსულ დროში საუბარი, განსაკუთრებით იმიტომ, რომ ამ საყოველთაო არეულობისა და უწმინდურობის ხანაში, იგი ჩემთვის მართლა დიდი ნათელი პიროვნება, მოძღვარი და ღირსი მეუფე იყი, რომლის ლოცვა ყოველთვის გვაძლიერებდა და მომავლის იმედს გვისახავდა ყველას ვისაც მასთან ახლო ურთიერთობა ქონდა და იგი დიდი ქრისტიანული სიყვარულით გვეფერებოდა და გვლოცავდა.

მჯერა, სწორედ ასეთი ადამიანები მოხვდებიან სასუფეველში და აწი იგი იმ ქვეყნიდან დაგვლოცავს და გაგვაძლიერებს. მშვიდობით ჩემო დიდო მეუფე და გულითადო, საყვარელო მეგობარო!“