სოპრანო თამარ ივერი სოციალურ ქსელში ქართველი პოლიგლოტის, ანატოლი გვასალიას შესახებ ინფორმაციას აზიარებს და წერს, რომ „მოპოვებული ტიტულისთვის მხოლოდ სპორტსმენებს ვაღმერთებთ“.
მისივე თქმით, ამ ადამიანის უგულებელყოფაც სამარცხვინო ლაქად დარჩება სახელმწიფოს.
„სამარცხვინო თვისების ერი ვართ! მხოლოდ სპორტსმენებს ვაღმერთებთ მოპოვებული ტიტულისთვის, ხოლო სხვა, თუნდაც გენიალური მიღწევების მქონე ადამიანებს ფეხის მტვრად ვთვლით!! ამიტომაცაა რომ საქართველო უცხოეთისათვის მხოლოდ კარგ ხინკალთან, ხაჭაპურთან და კუნთიან ძალოსნებთან ასოცირდება. ცოტა ეს ხელოვანი ხალხი “ვფხაკურობთ” რომ ჩვენი ხელოვნებაც სავიზიტო ბარათად იყოს მსოფლიოსთვის… ზოგი ახერხებს ზოგიც ვერა,თუმცა ყველა ისევ მისი “მარიფათით” თუ გავა იმ უცხოეთშიც, თორემ სახელმწიფო მხარდაჭერის სატელეფონო ზარი მუდმივად “აბონენტი მიუწვდომელია”ს რეჟიმშია!!
ამ ადამიანის უგულებელყოფაც სამარცხვინო ლაქად დარჩება ამ სახელმწიფოს მესვეურთათვის,“ – წერს თამარ ივერი.
კომენტარები