პარტია “დროას” ლიდერის ელენე ხოშტარიას ინფორმაციით, აქტივისტი ნათია ლეთოდიანი, რომელმაც ოპერატორის, ლექსო ლაშკარავას მკვლელობის გასაპროტესტებლად მთავრობის ადმინისტრაციასთან მდებარე შადრევანი წითლი საღებავით შეღება, 5 000 ლარით დააჯარიმეს. ამის შესახებ ელენე ხოშტარია სოციალურ ქსელში წერს.
ხოშტარია წერს, რომ ამ დროს უცნობი ბერლინის კედლის მონუმენტის დაზიანებისთვის 1 000 ლარით დაჯარიმდა.
“უცნობმა რომ ბერლინის კედლის მონუმენტი დააზიანა, ხომ გახსოვთ? აღშფოთებების მერე 1 000 ლარით დააჯარიმეს. ნათია ლეთოდიანმა რომ შადრევანში წითელი აკვარელი ჩაასხა, ლექსო ლაშკარავას მკვლელობის გასაპროტესტებლად, 5 000 ლარით დააჯარიმეს. ჩვენ ვერაფერს დაგვაკლებთ, მაგრამ თავს კი იმაიმუნებთ მერიავ”, – წერს ხოშტარია.
გარდა ამისა, ხოშტარიას თქმით, ასევე შადრევანში წითელი აკვარელის ჩასხმისთვის დააჯარიმეს აქტივისტი შუშანა მაცაბერიძეც.
შეგახსენებთ, 18 ივლისს, ორგანიზაცია „დროას“ და „ერთიანი ნაციონალური მოძრაობის“ აქტივისტებმა თბილისში მთავრობის ადმინისტრაციასთან არსებული შადრევნის წყალი წითელი საღებავით შეღებეს. აქტივისტების თქმით, წითელი ფერი არის სისხლიანი ხელისუფლების სიმბოლო. მათი ამით „ტვ პირველის“ ოპერატორის, ლექსო ლაშქარავას მკვლელობა გააპროტესტეს.
კომენტარები