ჟურნალისტი თამარ სანაძე სოციალურ ქსელში წერს, რომ დღეს, ქალაქ სამტრედიაში კლინიკა “ჯეო ჰოსპიტალსში” მისულს “სრული განუკითხაობა დახვდა”.
მის პოსტს უცვლელად გთავაზობთ:
“სრული უპასუხისმგებლობა სამტრედიის ჯეო ჰოსპიტალსში. რეგისტრაციის დროს მივედი, ხვეწნა-მუდარა დამჭირდა რომ გამევლო რეგისტრაცია. რეგისტრაციის ოთახში მოვახსენე ქალბატონს, რომ რეგისტრაციის დროს მოვედი და ვთხოვე ასაცრელად ექიმთან გავეშვი. პასუხად მივიღე: რა იყო? 10 წუთი ვერ დაგვიცდია? 10 წუთი? აგერს, ერთმა დააგვიანა და იმას არ დავუცადოთ? როგორც იქნა გავიარე რეგისტრაცია, ქალბატონმა ისევ მითხრა დავლოდებოდი ექიმს. გავიდა დაახლოებით 15 წუთი, გამოვიდა ექთანი და მითხრა რომ დავლოდებოდი ექიმს… გავიდა რამდენიმე წუთი, ამ დროს შემოვიდა პირი და თქვა, რომ 2 საათზე იყო მისი აცრის რიგი. რამდენიმე წუთში კიდევ ერთი პირი მოვიდა და თქვა რომ რაიონიდან იყო მოსული და და ასაცრელი ჰყავდა შშმ პირი. კი ბატონო რა საკვირველია რიგი შშმ პირს დავუთმე. მივედი იქ სადაც რეგისტრაციას გადიან ვკითხე მე, 13:48 წთ-ზე დარეგისტრირებულ ადამიანს როდის ამცრით-მეთქი, ის ექიმთან მივიდა ექიმი კი მე მომვარდა რატო შენ დროზე არ მოხვედი რამდენი ხანია აქ ვარო. მე ვუთხარი, რომ ექთანს ველოდებოდი, რომელმაც მითხრა, რომ დამეცადა. ექიმი აგრძელებს, სად იყავიო, რეგისტრაციის დროს აქ ვიყავი და თქვენ გელოდით,მითხრეს დამეცადა, ახლა კი მაინტერესებს რატომ ვერ მოხდა ჩემი აცრა თავის დროზე და რამდენი დავიცადო-თქო. დაიწყო ექიმმა ყვირილი “გარეთ ხალხია, 2 საათიანები უნდა მივიღო, არ ავცრა? …სადაც გინდა იქ წადი და იქ აიცერიო…”
ამასობაში დერეფანში იცდის ათობით ადამიანი, რომელიც თავის დროზე აცრას ითხოვს, ადამიანებს შორის დისტანცია თითქმის არ არის…დერეფანში იყვნენ 12 საათზე ჩაწერილები და ადამიანები, რომლებიც ამბობდნენ, რომ 1-საათზე მეტსანს იცდიდნენ კლინიკის დერეფანში. გავედი გარეთ…აცრისთვის შემართებით მოსული ადამიანი დავბრუნდი სახლში…დაახლოებით 20-მდე ადამიანი კი ძალიან ვიწრო დერეფანში, იქ სადაც ინფექციის გავრცელების რისკი უდიდესია ელოდა თავის რიგს…”- წერს იგი.
კომენტარები