სამართლის დოქტორი, შავი ზღვის საერთაშორისო უნივერსიტეტის ასოცირებული პროფესორი, ზურაბ ჯიბღაშვილი:
აგერ ბატონო, სულ ზეპირად გვასწავლა ბიძინამ თავისი “კანიოკის” პრიმიტივიზმი. ორი წლის წინ რომ გააპრემიერა გახარია, მაშინ ვამბობდი გასწია და მერე პასუხისმგებლობას გადააკისრებს მეთქი. ბოლოს 20 ნოემბერზეც ამას შეახოცეს ხელები და პასუხისმგებლობა გადააკისრა კი არა, სულაც მოღალატეს ეძახიან.
ჰო, ისე ორ წელზე მეტ ხანს ვერავის იტანს, მერე მართლა პრეზიდენტები და პრემიერები შერჩება ხოლმე ხელთ.
2019 წლის წერილი:
მოკლედ, ბიძინა ივანიშვილმა თავისი აზრით წაუგებელი თამაში დაიწყო:
1. „დახვეწილი“ (!) საპარლამენტო მმართველობის პირობების შესაბამისად, გახარია უდავოდ დააწინაურა. გავლენით პირველი მინისტრი, ნამდვილად პირველ მინისტრად – მთავრობის თავმჯდომარედ გაამწესა;
2. თუმცა, შორის ვართ ამ დეკლარირებული „დახვეწილი“ საპარლამენტო მმართველობისგან თუნდაც მხოლოდ იმიტომ, რომ მიუხედავად კონსტიტუციის ფუნდამენტური ცვლილებისა, ბიძინა ივანიშვილი როლურად არ განსხვავდება მიშა სააკაშვილისგან. ვგულისხმობ იმას, რომ ისიც მთავრობის უფროსის უფროსია;
3. ამ ლოგიკით და მმართველობაზე ამ გავლენის გათვალისწინებით, ბიძინა ივანიშვილმაც ისევე გაწია გახარია, როგორც მიშა სააკაშვილმა ვანო მერაბიშვილი;
4. ამ ფორმალურად ზუსტად დაწინაურების შესაბამისად, გახარიას რაღაც ეტაპზე და დონემდე მისცემს დამოუკიდებლობას. მისცემს უფლებრივ ასპარეზს, რომ მერე პასუხისმეგბლობაც ადვილად გადააკისროს. არ მგონია ამ მოცემულობაში გახარიას მეტი ფუნქციაღა ჰქონდეს შერჩენილი. მოკლედ, მღელვარების (ნაცური „რევანშის“ ფონზე) არ მოხსნა, დამარცხებად რომ არ მიჩნეულიყო. მაგრამ ესეთი კოჭლი შს მინისტრიც აღარაფერს იძლეოდა. ხოდა, აი ასე ჭკვიანურად ჩამოაცილა შს მინისტრის პოსტს. მგონია, ესე ფიქრობს;
5. თან კიდევ, შს მნისტრად ისევ პერსონალურად თავისი კადრი დანიშნა. გახარია შს მინისტრად მუშაობის პერიოდში პერსონალურად ექვემდებარებოდა ბიძინა ივანიშვილს. ხოდა აი ამ კადრის მთავრობის თავმჯდომარედ „დაწინაურების“ მერეც კი აღარ გააყოლა თან ის ნდობა. შს მინისტრად ისევ პერსონალურად მის მიერ კონტროლირებადი კადრი წარადგინა, თანაც, გიორგი გახარიასთან დაპირისპირებული. ამ პოზიციაზე მანამდეც ესეთი კადრი (ირაკლი ღარიბაშვილი) იხილებოდა;
6. თავად ღარიბაშვილის კი თავდაცვის მინისტრობა კი წინა საარჩევნოდ ჯარზე პოლიტიკური კონტროლის სურვილს ნიშნავს. NATO-ს კარზე კაკუნის ნაცვლად კი მისი კარის გამოხურვა მოხდება.
ამდენი მრავალ სვლიანი კომბინაცია ბევრი შეცდომის რისკსაც შეიცავს.ეგ კარგად იყვეს თავის გათვლებთან და შეცდომების რისკებთან, მაგრამ მორალი: ამ ქვეყნად არაფერი იცვლება.
კომენტარები