ხუმრობა, წამოცდენა თუ რეალური პოლიტიკური მიზნები? – ირაკლი ღარიბაშვილის განცხადებას, სადაც მან საქართველოს ოკუპირებულ ტერიტორიებთან დაკავშირებით, “იხუმრა”, სოციალური სამართლიანობის ცენტრის პოლიტიკის პროგრამის დირექტორი თამთა მიქელაძე სახიფათო გზავნილად აფასებს:
არ ვიცი დააკვირდით თუ არა. დღეს რომელიღაც მედიასთან ღარიბაშვილმა იხუმრა, რომ ჩვენ ევროკავშირს უარი იმიტომ ვუთხარით, და რუსეთი ხვალ აფხაზეთსა და სამხრეთ ოსეთს გვიბრუნებსო.
როგორც მინიმუმ, ამ თემაზე ხუმრობა პრემიერ-მინისტრის მხრიდან უადგილო და არასერიოზულია.
მაგრამ ჩემი აზრით, სინამდვილეში ამ წამოცდენამ ამხილა მისი ნამდვილი ხედვები და შესაძლოა პოლიტიკური მიზნებიც ამ საკითხთან კავშირში.
უსაფრთხოების და კონფლიქტების ტრანსფორმაციის მიზნებთან კავშირში ქვეყნის დემოკრატიზაციის და ევროკავშირის პოლიტიკური და სოციალური მექანიზმების მნიშვნელობა რომ ხელისუფლებას არ აქვს გააზრებული და მას კონფლიქტების მოგვარების ოპოზიციურ ინტერესად ხედავს, ეს ცალკე მძიმე რეალობაა.” წერს თამთა მიქელაძე.
გვარამიას გადაეცით, ვინაიდან უარი ვთქვით სესხზე, რუსეთი გვიბრუნებს აფხაზეთს და სამაჩაბლოს – ასე უპასუხა კრიტიკული შეკითხვით გაღიზიანებულმა ღარიბაშვილმა “მთავარი არხის” ჟურნალისტს.
კომენტარები