“ფლანგვის დეტექტორის” ინფორმაციით, “ქართული ოცნებისთვის” შეწირული თანხის ოდენობა მხოლოდ აგვისტოს თვეში 4 მილიონი ლარით გაიზარდა.
მათი ცნობით, პარტიას ფული 200-ზე მეტმა პირმა შესწირა.
ორგანიზაციის ცნობით, შემომწირველებს შორის არიან პირები, ვისი კომპანიებიც მსხვილ ტენდერებში იმარჯვებენ, მათ შორის უკონკურენტოდ, რაც კორუფციის ეჭვებს და რისკებს ზრდის.
ერთ-ერთი კომპანიაა შპს გზა, რომელსაც 2011 წლიდან 100 მილიონზე მეტის ტენდერები აქვს მოგებული, კომპანიის დირექტორი კი “ქართულ ოცნებას” ფულს წირავს.
“ქართული ოცნებისთვის შეწირული თანხის ოდენობა მხოლოდ ერთ თვეში 4 მილიონი ლარით გაიზარდა, რისთვისაც თანხა 200-ზე მეტმა პირმა გაიღო.
შემომწირველებს შორის გვხვდებიან პირები, ვისი კომპანიებიც მსხვილ ტენდერებში იმარჯვებენ, მათ შორის უკონკურენტო გარემოში, კორუფციის მაღალი რისკით.
შპს გზა ერთ-ერთი ასეთი კომპანიაა, რომელსაც 2011 წლიდან 100 მილიონზე მეტის ტენდერები აქვს მოგებული, კომპანიის დირექტორი კი ქართულ ოცნებას ფულს წირავს.
შემომწირველთა რიგებში გვხვდება კერძო პირი, რომლის ორივე კომპანია “აწარმოე საქართველოს” ფარგლებში ბიუჯეტიდან დაფინანსებას იღებს”- ვკითხულობთ ორგანიზაციის განცხადებაში.
კომენტარები