“ნუ ავიწყდებათ, რომ უამრავი ქალაქი და “პასიოლოკი” არაყში ჩამხრჩვალი ლოთებით უყართ!” – გიორგი გასვიანი

ტელეწამყვანი და მსახიობი, გიორგი გასვიანი სოციალური ქსელში პოსტს აქვეყნებს, სადაც იმ ვებ-გვერდებზე საუბრობს, რომელიც, მისივე თქმით, ტყუილების პროპაგანდით საშინელი სურათის დახატვას ცდილობენ.
გასვიანი აღნიშნულ პოსტს თან ურთავს ფოტოსქრინს და წერს, რომ ბოლო პერიოდში მსგავს სიახლეებს ხშირად წავაწყდებით.

“ამ ბოლო დროს, ხშირად წააწყდებით ასეთ სტატიებს საძაგელ ოკუპანტურ ვებ გვერდებზე! ტყუილების პროპაგანდით ცდილობენ დახატონ საშინელი სურათი! 
ნუ ავიწყდებათ, რომ უამრავი ქალაქი და “პასიოლოკი” არაყში ჩამხრჩვალი ლოთებით უყართ!!!! 
P.s. და ყალბი კოვიდპასპორტებით შემოსულები ეპიდემიას ავრცელებენ! (ეს არ არის ქსენოფობია და ხალხის მიმართ ზიზღი, თავიანთ რეალობას მიხედონ!)” – წერს გიორგი გასვიანი.