ინდოეთში, უტარ-პრადეშის შტატში, ბოლო 10 დღის განმავლობაში დენგეს ცხელებას, სულ მცირე 53 ადამიანი, მათ შორის 45 ბავშვი ემსხვერპლა. ინფორმაციას ტელეკომპანია NDTV ავრცელებს.
პედიატრების თქმით, ბავშვთა უმრავლესობას ვირუსული ცხელება აღენიშნება, ზოგიერთ მათგანის პასუხი დენგეს ინფექციის ტესტზე დადებითია.
ამ დროისთვის საავადმყოფოებში 186 ადამიანია მოთავსებული, აქედან დიდი რაოდენობით ბავშვია. რაიონული მოსამართლის განკარგულებით, 6 სექტემბრამდე შტატის სკოლებში სწავლა შეწყდება.
დაავადებას ახასიათებს: მაღალი ტემპერატურა, თრომბოციტების რაოდენობის უეცარი ვარდნა, მძიმე დეჰიდრატაცია.
შტატის მთავარმა მინისტრმა იოგი ადიტიანათმა აღნიშნა, რომ სპეციალური სამედიცინო ჯგუფები იგზავნება იმ ადგილებში, სადაც დაავადება ვრცელდება.
დაუდგენელი ვირუსული დაავადება, რომელმაც ინდოეთში გასულ კვირაში რამდენიმე ათეული ადამიანის იმსხვერპლა, სავარაუდოდ, დენგეს ცხელებით არის გამოწვეული, რომლის გადამტანებიც კოღოები არიან.
კომენტარები