სოციალურ ქსელში გრძელდება ანტივაქსერ და პროვაქსერ ექიმებს შორის დაპირისპირება. ექიმების დიდი ნაწილი ამბობს, რომ ვაქცინები, რომლებსაც მსოფლიო კორონა ვირუსთნ საბრძოლველად იყენებს უსაფრთხოა და ხმები მათი გვერდითი მოვლნების შესახებ გადაჭარბებულია.
ანტივაქსერი კოლეგის გამოსვლას ერთხმად დაუპირისპირდნენ საზღვარგარეთ მოღვაწე ექიმები, რომლებმაც ვაქცინაციის სიკეთის დამადასტურებლად ვრცელი სამედიცინო ტერმინოლოგიით დატვირთული ტექსტები გამოაქვეყნეს და ადამიანებს აცრისაკენ მოუწოდეს.
საკუთარ ფეისბუქ გვერდზე პროფესიონლური განმარტების გამოქვეყნების შემდეგ განსხვავებულ გზას მიმართა ამერიკაში მოღვაწე ექიმმა, ეპიდემიოლოგმა თამარ ქვარცხავამ.
„მაინც ნერვიულობთ ხომ? მაშინ ასე აგიხსნით. ძალიან ვნერვიულობ გაისად კატა არ მომიკვდეს. მთელი წელი ვინერვიულებ. კატა რომ არ გყავსო, მკითხავთ. მართალია, მაგრამ ხომ შეიძლება ვიყიდო და გაისად მოკვდეს? ყველა თეორიას აქვს არსებობის უფლება და ნერვიულობასაც /ასე ესმით evidence-based medicine; მტკიცებულებით “გამაგრებული,” – წერს თამარ ქვარცხავა.
თამარ ქვრცხავას პოსტი საკუთარ ფეისბუქ გვერდზე გაიზიარა დაავადებათა კონტროლის ცენტრის ხელმძღვანელის მოადგილემ პაატა იმნაძემ.
“ყველასათვის გასაგებად უკეთესად ვერ ახსნი. ერთად ერთი და გამორჩეული, ყველა ქართველ მეცნიერსა და პრაქტიკოსს შორის, ვინც უშუალოდ ვაქცინოლოგიაში მუშაობს თამრიკო ქვარცხავა. ჩვენ ყველა, მეც ვიგულისხმები, მხოლოდ მსოფლიოში აღიარებული ინსტიტუციების მონაცემებს ვეყრდნობით. თამრიკომ კი ჯერ გამოუქვეყნებელიც იცის ხოლმე,“- წერს პაატა იმნაძე.
კომენტარები