რამდენი ადამიანი აიცრა კოვიდვაქცინით საქართველოში

31 აგვისტოს მონაცემებით, საქართველოში ჯამში 1 184 306​ აცრა ჩატარდა, – ამის შესახებ ინფორმაციას დაავადებათა კონტროლის ეროვნული ცენტრი ავრცელებს.

ოფიციალური მონაცემებით, 31 აგვისტოს აიცრა 25 670 პირი. ამასთან, ერთი დოზით აცრილია 790 542 ადამიანი, რაც მოზრდილი მოსახლეობის 27.7 პროცენტია, ხოლო სრულად ვაქცინირებულია 393 764, რაც მოზრდილი მოსახლეობის 13.8% პროცენტს შეადგენს.

ამ დროისთვის საქართველოში კორონავირუსის 549 811 შემთხვევაა დადასტურებული. მათ შორის გამოჯანმრთელდა 493 414, გარდაიცვალა 7 408 პაციენტი.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

საქართველოში „ასტრაზენეკათი“ ვაქცინაცია 2021 წლის 15 მარტიდან დაიწყო, „ფაიზერით“ კი 30 მარტიდან. 3 აპრილს ქვეყანამ „სინოფარმის“ ვაქცინის 100 ათასი დოზა მიიღო. ამ ვაქცინის გამოყენება 4 მაისიდან დაიწყო, „სინოვაკით“ იმუნიზაცია კი 24 მაისიდან.