დღეს პრინცესა დაიანას გარდაცვალებიდან ზუსტად 24 წელი გავიდა. 1997 წლის 31 აგვისტოს, 36 წლის ასაკში, ლედი დი ავტოავარიაში დაიღუპა.
საზოგადოების ნაწილი მის სიკვდილში დედოფალ ელიზაბეტ მეორეს ადანაშაულებს. ზოგი პაპარაცებს სდებს ბრალს, რომლებიც პრინცესას გამუდმებით კუდში დასდევდნენ, ზოგი პრინცესას სიკვდილში თავად პრინც ჩარლზსა და კამილა პარკერს ადანაშაულებს, თუმცა ოფიციალური ვერსიით ავარია მხოლოდ უბედური შემთხვევა იყო.
დაიანა გრაფ სპენსერის ქალიშვილი და სპენსერ-ჩერჩილების ოჯახის წარმომადგენელი იყო. დაიანამ პრინცი ჩარლზი საქველმოქმედო საღამოზე გაიცნო, 1981 წელს კი ცოლად გაჰყვა. ერთი წლის თავზე პირველი ვაჟი პრინცი უილიამი შეეძინათ, 1984 წელს კი მეორე ვაჟი ჰარი დაიბადა.
რამდენიმე წელში ჩარლზსა და დაიანას შორის ურთიერთობა ძალიან დაიძაბა. ამასთან ერთად, ცნობილი გახდა დაიანას ჯეიმზ ჰევითთან ურთიერთობის შესახებ. თანაც, დაიანა ვერ ეგუებოდა სამეფო კარის ცხოვრებას, რაც 1995 წელს განქორწინებით დასრულდა.
ჩარლზთან გაყრიდან რამდენიმე თვეში მან დოდი ალფაედი გაიცნო, რომელთანაც ძალიან ახლო ურთიერთობა ჰქონდა. დაიანას დოდი შეუყვარდა, დოდის კი — დაიანა. ის ბედნიერი იყო, რომ გვერდით ჰყავდა ადამიანი, რომელიც ძალიან უყვარდა.
1997 წლის ზაფხულში ისინი პარიზში ისვენებდნენ. 31 აგვისტოს დაიანა და დოდი ავტოკატასტროფაში მოყვნენ, რის შედეგადაც მათი გადარჩენა ვერ მოხერხდა.
არსებობს ვერსია, რომ დაიანასა და დოდის სიკვდილი უბედური შემთხვევით გამოწვეული არ იყო. თვლიან, რომ დაიანას ეს მოუწყეს. ამასთან, ადანაშაულებენ ექიმს, რომ მან არ მოახდინა სწრაფი რეაგირება. ამ თემასთან დაკავშირებით დოდი ალფაედის მამამ ფილმიც გადააღებინა სახელად „კრიმინალური მკვლელობა“, რომელიც დიდ ბრიტანეთში აკრძალულია.
კომენტარები