რომელ ქვეყნებში ცრიან ბავშვებს

ევროკავშირის მიერ გამოქვეყნებული უახლესი მონაცემებით, ორგანიზაციის წევრ ქვეყნებში მოსახლეობის 75.6% კორონავირუსის საწინააღმდეგო ვაქცინით უკვე აიცრა. 

მიმდინარე წლის მაისში, ევროპული მედიკამენტების სააგენტომ (EMA) 12-15 წლამდე ბავშვებში Pfizer-ის გამოყენება დაუშვა, ხოლო ერთი თვის შემდეგ ბავშვებში ავტორიზაცია Moderna-ს ვაქცინასაც მიანიჭა. 

წარმოგიდგენთ ევროპის ქვეყნებს, რომლებშიც 12 წლიდან ვაქცინაცია უკვე შესაძლებელია:

გაერთიანებული სამეფო – ინგლისმა 16 და 17 წლის მოზარდების ვაქცინაცია 23 აგვისტოდან დაუშვა. ხოლო 12-15 წლამდე ასაკის ბავშვებს, რომლებიც ან თავად არიან რისკჯგუფში ან ცხოვრობენ ისეთ პირებთან ერთად, რომელთათვისაც კოვიდ-ინფექცია საშიშია, უახლოეს კვირებში მიეცემათ.

იტალია – 12-18 წლამდე ასაკის მოზარდებს 16 აგვისტოდან აქვთ ვაქცინაციის შესაძლებლობა.

გერმანია  –  12 წლის ზემოთ ბავშვებში ვაქცინაცია 16 აგვისტოდან ყველასთვის შესაძლებელია.

ირლანდია – 12 წლის ზემოთ ბავშვებში ვაქცინაცია 11 აგვისტოდან არის შესაძლებელი.

პოლონეთი – ქვეყანაში ამ დროისათვის უკვე 12-17 წლამდე ასაკის 577,562 პირია სრულად ვაქცინირებული.

საფრანგეთი – 15 ივნისის შემდგომ ქვეყანაში 12-17 წლის მოზარდების 56%-ს ერთი, ხოლო 32.4%-ს ორივე დოზა აქვს მიღებული.

ესპანეთი – 12-19 წლამდე ასაკის პირებში 55.4%-ს ვაქცინის პირველი დოზა აქვს მიღებული.

დანია – ქვეყანაში 12-15 წლამდე ასაკის ბავშვების ვაქცინაცია ივლისში დაიწყო.

შვეიცარია – 22 აგვისტოს მონაცემებით, 10-19 წლის მოზარდების 17.9% კოვიდ-ვაქცინის მინიმუმ ერთი დოზით აცრილია.

შვედეთი – 16-დან 18 წლამდე ახალგაზრდებში უნდა იყოს დაშვებული კოვიდ-საწინააღმდეგო ვაქცინაცია. რაც შეეხება 12-დან 15 წლამდე მოზარდებს, მათ მხოლოდ განსაკუთრებულ პირობებში აქვთ ვაქცინის მიღების შესაძლებლობა.

წყარო: Forbes Georgia