პუბლიცისტი დავით პაიჭაძე სოციალურ ქსელში თავკვეთულას მონასტერში განვითარებულ მოვლენებს, კერძოდ ბერისა და ჟურნალისტის დაპირისპირებას ეხმაურება.
”ილია ჭავჭავაძემ, აწ წმინდანად შერაცხილმა, არ დაინდო და “მოკლა” განდეგილი ბერი, რომელიც უფალს ლოცვით შესთხოვდა, საშინელი უამინდობისგან ეხსნა ქვეყანა.დღეს ვიღაც რეალური უღირსი ბერი დედას გვაგინებს საჯაროდ და მისი ეპისკოპოსი გვაყვედრის, ეგ რა არის, ადრე ვარესი იყო, კიდევ მე მოვარჯულეო. ამათ როგორ არ უნდა დაერხეთ და წაწყდნენ იმის მიუხედავად, ღმერთი არსებობს თუ არა – არ მესმის,”- წერს დავით პაიჭაძე.
ცნობისათვის, თავკვეთულას მონასტერში მცხოვრებმა ბერმა იოანემ ტელეკომპანია “ფორმულას” ჟურნალისტს სიტყვიერი შეურაცხყოფა მიაყენა. როგორც ტელეკომპანიაში აცხადებენ, მონასტერთან უკანონო მშენებლობა მიმდინარეობს, რისი გადაღებაც ჟურნალისტმა სცადა. ჟურნალისტებს სასულიერო პირი აგრესიით დახვდა.
კომენტარები