ხაშურის მუნიციპალიტეტის მერობის კანდიდატი „ქართული ოცნება დემოკრატიული საქართველოდან“ თენგიზ ჩიტიაშვილი, წინასაარჩევნო შეხვედრების ფარგლებში, სოფელ ცხრამუხისა და რბონის მოსახლეობას შეხვდა. ამის შესახებ ინფორმაციას პარტია ავრცელებს.
ამავე ცნობით, შეხვედრაზე მოქალაქეებმა უმთავრეს პრობლემად წყალმომარაგების საკითხი დაასახელეს. მათ სამების ტაძრამდე მისასვლელი გზის მოწესრიგებაც მოითხოვეს, რაც უკვე კეთდება.
წყლისა და კანალიზაციის სისტემის რეაბილიტაციის პროექტის დაწყება კი მიმდინარე წლის ბოლოსთვის არის დაგეგმილი.
„ცხრამუხაში მოქალაქეებს წყალმომარაგების პრობლემა აქვთ, რაც ხაშურისთვისაც მნიშვნელოვან პრობლემას წარმოადგენს. აღსანიშნავია, რომ საქართველოს მთავრობის ძალისხმევით და საერთაშორისო ფონდების ჩართულობით მოძიებულია დაფინანსება და წყლისა და კანალიზაციის სისტემის რეაბილიტაციის პროექტი წლის ბოლოს დაიწყება. შედეგად როგორც ქალაქ ხაშურს, ისე ცხრამუხას და ოსიაურს ოცდაოთხსაათიანი წყალმომარაგება და კანალიზაციის გამართული სისტემა ექნება“, – აღნიშნა თენგიზ ჩიტიაშვილმა.
კომენტარები