როდემდე უნდა გვასულელონ? სად გადის ის ზღვარი, რომლის იქითაც აღარ მოვატყუებინებთ თავს? – მიშა მშვილდაძე

პროდიუსერი და სცენარისტი მიშა მშვილდაძე სოციალურ ქსელში პოსტს აქვეყნებს.
როგორც მშვილდაძე წერს, – “პანდემია როცა გვჟლეტს და ერთადერთი გამოსავალი აცრაა – ანტივაქსერებად გვევლინებიან. სხვა დროს უმცირესობებს ებრძვიან – რომ სამოქალაქო საზოგადოებად ვერ ჩამოვყალიბდეთ.” 

“პანდემია როცა გვჟლეტს და ერთადერთი გამოსავალი აცრაა – ანტივაქსერებად გვევლინებიან. სხვა დროს უმცირესობებს ებრძვიან – რომ სამოქალაქო საზოგადოებად ვერ ჩამოვყალიბდეთ.

სხვა დროს რუსეთს და პუტინს აქებენ რომ დეოკუპაციაზე არ ვიფიქროთ. სხვა დროს დასავლეთს ლანძღავენ, რომ ნატოში ინტეგრაცია არ გავაგრძელოთ. სხვა დროს მოძალადეებს ამართლებენ, რომ მოსახლეობის ნახევარი შიშსა და ტერორში ცხოვრებას შეეგუოს. სხვა დროს ქალებს დასცინიან, რომ კუხნიდან გამოსვლის და ეკონომიკური დოვლათის შემქმნელ საზოგადოებაში ინტეგრაციის ამბიცია არ გაუჩნდეთ.

სხვა დროს სომხებს ან აზერებს ან თურქებს ლანძღავენ რომ მეზობლებთან ნორმალური ურთიერთობა არავისთან გვქონდეს.

სხვა დროს ლექსო ლაშქარავაზე ავრცელებენ ჭორებს რომ ეგ ფონიჭალაში დადიოდა. სხვა დროს ვაჟა გაფრინდაშვილზე წერენ რომ გმირი კი არა პროვოკატორია.

სხვა დროს გარეჯზე აღვივებენ სიძულვილს.

და ასე, წლებია უკვე – ერთი და იგივე ხალხი და ერთი და იგივე ინსტიტუტები.

როდემდე უნდა გვასულელონ? სად გადის ის ზღვარი, რომლის იქითაც აღარ მოვატყუებინებთ თავს? დავამთავროთ ეს მარაზმი – გავიდა ცხოვრება კი არა, აღარც მიდის ცხოვრება, გაჩერდა,” – წერს მიშა მშვილდაძე.