გერმანიაში მოღვაწე ქართველმა ექიმმა, თამარ ჟამურაშვილმა, რომელიც ამჟამად, საქართველოში იმყოფება, “ტვ პირველის” ეთერში საზოგადოების კითხვებს უპასუხა.
ერთ-ერთი კითხვის პასუხად, თამარ ჟამურაშვილმა აღნიშნა, რომ “თუ პაციენტს აქვს კოვიდი და აიცრა, აცრა ამ დროს კოვიდის მიმდინარეობის პროცესს არ ამძიმებს”.
„ლოჯისტიკურად შეუძლებელია ყველა ადამიანისთვის ლაბორატორიული კვლევების ჩატარება აცრის წინ. არ არის საჭირო წინასწარ ანტისხეულების გამოკვლევა და პისიარ ტესტის გაკეთება. თუ პაციენტს აქვს კოვიდი და აიცრა, აცრა ამ დროს კოვიდის მიმდინარეობის პროცესს არ ამძიმებს. თბილისის ქუჩებში ძალიან ცოტა ადამიანი დადის, რომელსაც პირბადე უკეთია. აცრილებს, ისევე, როგორც აუცრელებს, აუცილებლად სჭირდებათ პირბადე და დისტანცია, სანამ მოსახლეობის 60% , საუკეთესო შემთხვევაში 80% მაინც იქნება აცრილი, ამ შემთხვევაში მოგვეცემა საშუალება ვიცხოვროთ, ისე, როგორც ადრე ვცხოვრობდით. სანამ ამ რაოდენობას არ მივაღწევთ, აცრილებმა, ისევე, როგორც აუცრელებმა, აუცილებლად უნდა ატარონ პირბადე და დაიცვან დისტანცია. ვაქცინაცია არ ნიშნავს იმას, რომ 100%-ით ხარ დაცული ინფიცირებისგან, მაგრამ მინიმუმ 99%-ით დაცული ხართ სიკვდილისგან“, – აცხადებს თამარ ჟამურაშვილი.
კომენტარები