საკრებულოს ყოფილი დეპუტატი, გულიკო ზუმბაძე სოციალური ქსელის საშუალებით ინფორმაციას ავრცელებს და წერს, რომ მოსკოვის გამზირზე გამაოგნებელი ამბავი მოხდა.
ყოფილი დეპუტატის ინფორმაციით, მოსკოვის გამზირზე მცხოვრებ ანა კაციაშვილს ხუთი თვის ძუძუზე მყოფი ბავშვი ხელიდან წაგლიჯეს და გაურკვეველ ადგილას წაიყვანეს. მისივე თქმით, აღნიშნულ ფაქტს სოციალური სააგენტოს წარმომადგენელი ხელმძღვანელობდა.
“გამაოგნებელი ამბავი მოხდა, მოსკოვის გამზირზე მცხოვრებ ანა კაციაშვილს ხუთი თვის ძუძუზე მყოფი ბავშვი ხელიდან წაგლიჯეს და გაურკვეველ ადგილას წაიყვანეს. ამ ოპერაციას სოციალური სააგენტოს წარმომადგენელი ხელმძღვანელობდა.
ეს მოხდა 19 აგვისტოს. მას შემდეგ დედა გლდანის ფსიქიატრიულ საავადმყოფოშია, სადაც ის სასწრაფო დახმარების მანქანით მიიყვანეს. ბავშვის დედამ დღეს შეგვატყობინა ამ ფაქტის შესახებ. მისი თქმით, პატარა მათე დილის სეირნობისას სასტიკი ფორმით გასტაცეს, რომ მანამდე სოც. მუშაკი მასთან არასოდეს ყოფილა.
მინდა დავეხმარო უსუსურ და დაუცველ მდგომარეობაში მყოფ დედას. გავერკვევ, რა მოხდა სინამდვილეში. რასთან გვაქვს საქმე…” – წერს გულიკო ზუმბაძე.
კომენტარები