ინფექციონისტი, მაია ბუწაშვილი, კოვიდინფიცირებულთა ბინაზე მკურნალობის პრინციპებზე საუბრობს:
“ბინაზე მყოფებმა აუცილებლად უნდა დაიცვან იზოლაციის წესი. ცალკე ოთახში, სასურველია ჰქონდეს ცალკე სველი წერტილი და თუ ამის საშუალება არ არის, უნდა იქნეს დაცული დეზინფექციის წესები. საკვები უნდა მიეწოდოს თავის ოთახში.
აუცილებელია მოძრაობა.
რეკომენდირებულია სრულფასოვანი კვება.
მოერიდონ თვითნებურად გამოკვლევების ჩატარება. უნდა გვახსოვდეს, რომ “კატე” არის დასხივების შემცველი, თუ არ არის აუცილებელი, თავი უნდა შევიკაოთ.
გვახსოვდეს ის სიმპტომები, რომლის დროსაც აუცილებელია სამედიცინო დახმარება:
ძლიერი საერთო სისუსტე
გამოფხიზლების შეუძლებლობა
სუნთქვის გახშირება და გაძნელება
ტუჩების მიდამოში სილურჯე
ტკივილი გულმკერდის არეში
კარგია, თუ ინფიცირებულს სახლში ექნება პულსიოქსიმეტრი, რომლის მაჩვენებელი 94 და მეტი უნდა იყოს და თუ იწყება ვარდნა ამ მაჩვენებლის, შეიძლება პაციენტს დასჭირდეს ჟანგბადის მიწოდება.
თვითნებურად არ მიიღოთ მედიკამენტები, დასაშვებია მხოლოდ სიცხის დამწევის და ტკივილგამაყუჩებლის მიღება. ანტიბიოტიკები, სისხლის გამათხელებლები, ჰორმონები, კატეგორიულად მიუღებელია მიიღოს კოვიდინფიცირებულმა თავისი გადაწყვეტილებით, ან ახლობლების რჩევით.
ვაქცინირებულებში კოვიდის გართულებების და სიკვდილის რისკი არის ძალიან დაბალი.
გისურვებთ ჯანმრთელობას.”
კომენტარები