“ექიმი ზის და უკან ხატების შპალერია, სანთლებსაც ანთებენ… ღმერთი გულში უნდა გყავდეს” – გიორგი ფხაკაძე

ჯანდაცვის ექსპერტი, პროფესორი, გიორგი ფხაკაძე:

„იყო დრო, როცა საქართველოში „ევექსის“ სამედიცინო კორპორაციაში ვმუშაობდი, გენერალური დირექტორის მოადგილის პოზიციაზე. პირველი რაც გავაკეთე, ყველა საავადმყოფოს შემოვლა დავიწყე. 40-ზე მეტი კლინიკა იყო.

საზღვარგარეთ ექიმთან რომ შედიხარ კაბინეტში, უკან წარმოდგენილია ის სერთიფიკატები და დიპლომები, რაც აქვს მიღებული. ექიმი ამით ამაყობს. საქართველოში ექიმთან რომ შევდივარ, ერთი დიპლომი არ უკიდია, სულ ხატებითაა სავსე. ექიმი ზის და უკან ხატების შპალერია. იქვე სასანთლეებიცაა, სანთლებსაც ანთებენ, გეგონება რომ ეკლესიაში ხარ.

ექიმთან რომ მიდიხარ, წესით, იმედი უნდა გქონდეს, რომ ის გამოცდილია, ნასწავლია და გადაგარჩენს. ალბათ, ამ ექიმებს მხოლოდ 15 წლის წინ აღებული დიპლომი აქვთ და მხოლოდ ხატის იმედზე არიან. წარმოგიდგენიათ 21-ე საუკუნეში ექიმთან რომ მიდიხართ და ის ხატის იმედზეა?! და არა საკუთარი გამოცდილებისა და განვითარების იმედზე. ბოლოს და ბოლოს, ექიმებს ვუთხარი, თუ ასეთი რელიგიურები ვართ სამრეკლო ავაშენოთ ეზოში-თქო. ღმერთი გულში უნდა გყავდეს”

ექსპერტი ქუთაისის კლინიკაში პედიატრთან დიალოგს იხსენებს და ამბობს, რომ იქ, სადაც მოზარდის სასქესო ორგანოებს ამოწმებენ, ხატების ადგილი არ არის.