2021 წლის 24 მაისიდან 23 აგვისტომდე თხევადი გაზის ფასი გაიზარდა. საქართველოში 1 ლიტრი თხევადი გაზის საშუალო ფასი 1.85 ლარია, ზოგიერთ კომპანიაში კი ღირებულება 1.95 – ლარამდეც აღწევს.
თხევადი გაზის ასოციაციის თავმჯდომარემ ნიკა ხოფერიამ თხევადი გაზის ფასის ზრდაზე ისაუბრა და აღნიშნა, რომ გაზის ფასი სეზონების მიხედვით განსხვავდება.
„საქართველოში თხევადი გაზის ზრდა შიდა ტურიზმის გაზრდას უკავშირდება. ახლა არის გადაადგილების სეზონი, შიდა ტურიზმი გაიზარდა, როგორც საქართველოში, ისე რუსეთში. ზაფხულში ყოველთვის იზრდება ფასი, რადგან გაზის მოხმარება იზრდება გადაადგილების გამო. თხევადი გაზის მიწოდება შეიზღუდა და რუსეთმა ექსპორტი შეზღუდა. გაზის დეფიციტი შეიქმნა რუსეთში და ქარხნები ვერ ახერხებენ იმ მოცემულობის დაკმაყოფილებას, რა მოცულობაც სჭირდება შიდა ტურიზმის დაკმაყოფილებას.
ფასის ზრდაზე, ასევე, გავლენა იქონია პანდემიამ, იმ თვალსაზრისით, რომ ძირითადი მწარმოებელი არის რუსეთი. ვინაიდან პანდემიის გამო, რუსეთში მცხოვრები საზოგადოების უმეტესი ნაწილი საზღვარგარეთ ვერ მიდის, წინა წელთან შედარებით და 40%-ით არის გაზის მოხმარება გაზრდილი“, – აცხადებს ნიკა ხოფერია pia.ge-სთან.
რა ღირს თხევადი გაზი საქართველოს სამეზობლოში?
| ქვეყანა | საწვავის ტიპი | რაოდენობა | ფასი ეროვნულ ვალუტაში | ეკვივალენტი ლარში |
| ?? სომხეთი | თხევადი გაზი | 1 ლიტრი | 260 დრამი | 1,64 ლარი |
| ?? რუსეთი | თხევადი გაზი | 1 ლიტრი | 33,545 რუბლი | 1,41 ლარი |
| ?? თურქეთი | თხევადი გაზი | 1 ლიტრი | 5,44 ლირა | 1,84 ლარი |
| ?? აზერბაიჯანი | თხევადი გაზი | 1 ლიტრი | 0,650 მანათი | 1,19 ლარი |
| ?? საქართველო | თხევადი გაზი | 1 ლიტრი | 1,90 ლარი |
globalpetrolprices-ის მონაცემებით, მსოფლიოში თხევადი გაზის ფასი საშუალოდ 0.74 დოლარს (2.30 ლარი) შეადგენს.
pia.ge
კომენტარები