“თუ სასმელს ვერ ელევით, ჯანდაბას, დალიეთ! მაგრამ სჯობს, რომ არ დალიოთ, რადგან იმუნური სისტემა უკეთ მოემზადება და როცა ვაქცინას გაიკეთებთ, თქვენი ორგანიზმი უფრო კომფორტულად იქნება და უკეთ შეირგებს ამ ვაქცინას,”- მიმართავს ჯანდაცვის ექსპერტი გიორგი ფხაკაძე საზოგადოების იმ ნაწილს, რომელიც ვაქცინაციაზე უარს, ალკოჰოლის მიღების შეზღუდვის გამო ამბობს.
ექიმები აღნიშნავენ, რომ ალკოჰოლის მიღება ხელს უშლის ვაქცინაციის შემდეგ ანტისხეულების გამომუშავებას და პაციენტებს ვაქცინაციამდე და მის შემდეგ დალევისაგან თავის შეკავებას ურჩევენ. თუმცა გიორგი ფხაკაძე ამბობს, რომ ამ მიზეზით აცრისგან თავის შეკვებას, ალკოჰოლის მიღების წესის დარღვევა სჯობს.
„როცა ხართ ალკოჰოლის ზემოქმედების ქვეშ, ეს ნიშნავს, რომ მოწამლული ხართ, რადგან სასმელი არის შხამი ორგანიზმისთვის…ერთი დღით ადრე მაინც ნუ დალევთ, ან რომ გაიკეთებთ, ერთი დღის მერე მაინც არ დალიოთ, მაგრამ თუ მაიმცდამაინც ასე გინდათ, დალიეთ… ბევრი ალკოჰოლი არაა სასარგებლო, თუმცა ერთი ჭიქა წითელი ღვინო შეიძლება, თუ ასეთი მნიშვნელოვანია თქვენთვის დალევა, დალიეთ, ოღონდ აიცერით იმიტომ, რომ კოვიდი ძალიან ვერაგია,“ – ამბობს გიორგი ფხაკაძე.
კომენტარები