“ხალხის სიცოცხლე დავიცვათ, 2-3 კვირით ადრე ჩატარდება არჩევნები თუ 2-3 კვირით გვიან, არ აქვს მნიშვნელობა” – გიორგი ვაშაძე

სტრატეგია აღმაშენებლის ლიდერი, გიორგი ვაშაძე:

“არ გვაქვს [საუბარი] არჩევნების დიდი დროით გადადებაზე. 2-3 კვირით ადრე ჩატარდება არჩევნები თუ 2-3 კვირით გვიან, ნამდვილად არ აქვს გადამწყვეტი მნიშვნელობა. ჯობია, ხალხის სიცოცხლე დავიცვათ.

ამ მძიმე ფონზე ქართული ოცნების ლიდერების განცხადებები, რასაც გუშინ და დღეს ვისმენთ არის აბსოლუტურად უპასუხისმგებლო. რამდენად უპრინციპო უნდა იყო ადამიანი, როდესაც კვლავ პოლიტიკური მიზნებისთვის იყენებ კოვიდპანდემიას. ჩვენს ყველა განცხადებაში ყოველთვის რბილად ვსაუბრობდით არჩევნების გადადების საკითხზე.

რა არის მათი მიზანი?! მიზანი არის ის, რომ კვლავ აჩვენონ ქვეყანაში ორპოლუსიანობა; ისევ თქვან, რომ ყველა ერთი პარტიაა, მათ შორის სახალხო დამცველიც; თქვან, რომ პარტიებს შორის განსხვავება არ არის, პოლიტიკოსებს შორის განსხვავება არ არის”