„დღეს ახალშენის და სამების მოსახლეობას შევხვდი. ძალიან მნიშვნელოვანი და პროდუქტიულია მათთან ღია კომუნიკაცია. მოსახლეობას ვაცნობთ, თუ რა გაკეთდა და რა გეგმები გვაქვს დასახული სამომავლოდ“, – ამის შესახებ „ქართული ოცნების“ ხელვაჩაურის მერობის კანდიდატმა ზაზა დიასამიძემ მოსახლეობასთან შეხვედრისას განაცხადა.
„კარგად მესმის, რომ დღესდღეობით იდეალური სოციალური ფონი არ გვაქვს, მაგრამ ხელისუფლება ყველაფერს აკეთებს, რათა სირთულეები იქნეს დაძლეული.
2022 წლიდან დაიწყება ბევრი ახალი პროექტი, რომელიც გამოადგება ჩვენს რეგიონს.
2 ოქტომბერს, ჩვენ ერთად ვიზეიმებთ არა პერსონების გამარჯვებას, არამედ ერთად ვიზეიმებთ საქართველოს გამარჯვებას! ეს გამარჯვება, კი იქნება ჩვენი მოხუცების, პატარების, ახალგაზრდების, ჩვენი მშობლების ღირსეული ცხოვრების საშუალება. მადლობა მხარდაჭერისა და გვერდში დგომისთვის“ – აცხადებს ზაზა დიასამიძე.
კომენტარები